عمرمعذوری کیس: عدالت نے کے الیکٹر ک کے افسران کی ضمانت مسترد کردی، ملزمان فرار -
The news is by your side.

Advertisement

عمرمعذوری کیس: عدالت نے کے الیکٹر ک کے افسران کی ضمانت مسترد کردی، ملزمان فرار

کراچی: کے الیکٹرک کی غفلت سے بچے کے معذور ہونے کے کیس میں عدالت نے کے الیکٹرک کے 9 افسران کی عبوری ضمانت مسترد کردی، ملزمان احاطہ عدالت سے فرار ہوگئے۔

تفصیلات کے مطابق کے الیکٹرک کی غفلت سے بچے کی معذوری کے کیس کی سماعت ملیر کورٹ میں ہوئی جہاں عدالت نے ملزمان کی عبوری ضمانت مسترد کرکے ان کی گرفتاری کا حکم صادر کیا ۔

ضمانت مسترد ہونے کاحکم صادر ہوتے ہی تمام ملزمان احاطہ عدالت سےفرار ہونے میں کامیاب ہوگئے ، پولیس ملزمان کو گرفتارکرنےمیں ناکام رہی۔

ملزمان میں جنرل منیجرکریکٹومنٹینس ریاض احمدنظامانی ، ڈپٹی جنرل منیجرضمیر احمد شیخ ،انچارج کےالیکٹرک عمران اسل ، ڈی جی ایم ثاقب عباس،منیجرکریکٹومنٹینس نثار احمد ،سپروائزرارسلان ، شفٹ انچارج سیدشاہ نواز،اسسٹنٹ انجینئررضاحسین اور شفٹ انجینئرشوکت منگی شامل ہیں۔

یاد رہے کہ کے الیکٹر ک کی مجرمانہ غفلت سے عمر نامی کم عمر بچے کی ہاتھوں سے محرومی پر مینجمنٹ کے خلاف سپر ہائی وے تھانے میں مقدمہ بچے کے والد محمد عارف کی مدعیت میں درج کیا گیا تھا۔مقدمہ نمبر 323 ، 18 دفعہ 337 ایچ 1 کے تحت مجرمانہ غفلت سے نقصان پہنچانے کے زمرے میں درج کیا گی تھا اور اس میں کے الیکٹر ک گڈاپ ٹاؤن کی منیجمنٹ کو نامز د کیا گیا تھا۔

ایف آئی آرکے مطابق بچہ چیز لینے دکان پر گیا تھا جہاں دکان سے ملحقہ پول سے گیارہ ہزار وولٹ کی تاریں بیٹے پر گریں، بچے کو فوری اسپتال منتقل کیا گیا، جہاں ڈاکٹرز نے بازو کاٹنے کا فیصلہ دیا۔

Comments

comments

یہ بھی پڑھیں