The news is by your side.

صدر ممنون حسین کی سکیورٹی انتہائی سخت کردی گئی، دو ڈرائیورگرفتار

لاہور : صدرممنون حسین کے دو ڈرائیوروں کو سیکیورٹی فورسز نے اپنی حراست میں لے لیا۔

تفصیلات کے مطابق صدر پاکستان ممنون حسین کی لاہور آمد پر پروٹوکول قافلے میں شامل دو ڈرائیوروں کو حراست میں لے لیا گیا۔

سی سی پی او کا کہنا ہے کہ قافلے کے دوران دونوں نے غیر ضروری طور پر گاڑیوں کی رفتار کم کر دی تھی۔

سی سی پی او امین وینس نے میڈیا کوبتایا ہے کہ صدر ممنون حسین کی لاہور آمد پر ان کے قافلے میں شامل دو ڈرائیوروں محبوب اور شکیل نے گاڑیوں کی رفتار غیر ضروری طور پر آہستہ کر دی تھی جبکہ ایک موقع پر گاڑی ریورس کرنے کی بھی کوشش کی گئی۔

انہوں نے کہا کہ دونوں ڈرائیوروں کو حساس ادارے نے حراست میں لیا ہے اور ان کو نامعلوم مقام پر منتقل کرکے ان سے تفتیش کی جا رہی ہے۔

ذرائع کے مطابق صدر ممنون حسین کی سکیورٹی انتہائی سخت کردی گئی ہےاور ان کی نقل و حمل کو سکیورٹی اداروں کی کلیئرنس سے مشروط کردیا گیا ہے۔

Print Friendly, PDF & Email

Comments

comments

یہ بھی پڑھیں