پاکپتن: پنجاب کے شہر پاکپتن میں ذہنی معذور، گونگی اور بہری خاتون کو زیادتی کا نشانہ بنادیا گیا۔
اے آر وائی نیوز کے مطابق پاکپتن میں ذہنی معذور، گونگی اور بہری خاتون کو زیادتی کا نشانہ بنایا گیا، پولیس کے مطابق ملزم خاتون کو بلیک میل کرکے اس سے دو ماہ تک زیادتی کرتا رہا جس کے باعث خاتون حاملہ ہوگئی۔
پولیس کا کہنا ہے کہ میڈیکولیگل میں تصدیق کے بعد ملزم موقع سے فرار ہوگیا۔
تھانہ صدر پولیس نے متاثرہ خاتون کے بھائی کی رپورٹ پر مقدمہ درج کرلیا جبکہ ملزم تاحال گرفتار نہ ہوسکا، ایس ایچ او تھانہ صدر جہانزیب وٹو کے مطابق ملزم کی گرفتاری کے لیے پولیس کی ٹیم چھاپے ماررہی ہے۔
مزید پڑھیں: لاہور، 7 سالہ بچی سے زیادتی کرنے والا ملزم گرفتار
واضح رہے کہ گزشتہ ماہ جنوری میں پنجاب کے شہر لاہور میں پولیس نے 7 سال کی بچی سے زیادتی کرنے والے ملزم نعیم کو گرفتار کرلیا تھا۔
لاہور پولیس نے بچی کو سگیاں کے علاقے سے ایک ویران حویلی سے برآمد کیا تھا، بچی کا میڈیکل کرانے پر رپورٹ میں زیادتی ثابت ہوئی تھی۔
ایس ایس پی سٹی کا کہنا تھا کہ ملزم نے بچی کو گھر کے قریب سے پیسوں کا لالچ دے کر اغوا کیا تھا، ملزم نے بچی کو حبس بے جا میں رکھ کر زیادتی کا نشانہ بنایا۔
