دبئی: پاکستانی شہری نے رقم واپس نہ کرنے پر دوست کی گاڑی جلا ڈالی burning friend’s vehicle
The news is by your side.

Advertisement

دبئی: پاکستانی شہری نے رقم واپس نہ کرنے پر دوست کی گاڑی جلا ڈالی

دبئی: متحدہ عرب امارات کے شہر دبئی میں مقیم پاکستانی شہری نے رقم واپس نہ ملنے پر دوست کی گاڑی جلا دی، ملزم کو گرفتار کرلیا گیا۔

عرب میڈیا کے مطابق دبئی میں مقیم 34 سالہ پاکستانی شہری نے اپنے ہم وطن دوست کی جانب سے رقم واپس نہ ملنے پر اس کی گاڑی جلادی، پولیس نے ملزم کو گرفتار کرکے عدالت میں پیش کردیا، مقدمے کا فیصلہ 20 ستمبر کو سنایا جائے گا۔

ملزم نے عدالت نے اپنے جرم کا اعتراف کرتے ہوئے کہا کہ اس نے کار کھول کر اس میں کاغذات رکھے اور انہیں آگ لگادی اس کے بعد آگ نے پوری گاڑی کو اپنی لپیٹ میں لے لیا۔

عدالت میں 34 سالہ پاکستانی شہری کا کہنا تھا کہ اس نے اپنے دوست کو رقم ادھار دی، جب اپنی زوجہ کے بیمار ہونے پرعلاج کے لیے رقم کی شدید ضرورت پڑی تو دوست سے رقم کی واپسی کا تقاضا کیا تاہم وہ معاملے کو ٹالتا رہا اور میرا فون بھی اٹھانا بند کردیا پھر میں نے غصے میں آکر اس کی گاڑی کو آگ لگادی۔

رپورٹ کے مطابق 13 جولائی کو پاکستانی شہری نے اپنی گاڑی کمپنی کے قریب پارکنگ میں کھڑی کی تھی، ایک گھنٹے بعد اسے اطلاع دی گئی کہ اس کی گاڑی کو آگ لگ گئی ہے، ملزم کے دوست کا کہنا ہے کہ میں سوچ بھی نہیں سکتا تھا کہ میرا دوست رقم واپس نہ کرنے پر یہ قدم اٹھا لے گا۔

واضح رہے کہ پولیس کیس کی مزید تحقیقات کررہی ہے جبکہ ملزم پولیس حراست میں ہے جس کے مقدمے کا فیصلہ 20 ستمبر کو سنایا جائے گا۔

Comments

comments

یہ بھی پڑھیں