The news is by your side.

Advertisement

سفاک بیٹے نے نماز پڑھتی ماں کو ذبح کردیا

لبنان میں بدبخت بیٹے نے مصلے پر نماز پڑھتی اپنی ماں کو تیز دھار چاقو کے وار کرکے قتل کردیا۔

عرب میڈیا کی رپورٹ کے مطابق لبنان کے دارالحکومت بیروت کے نواحی علاقے میں بیٹے نے اپنی ماں پر تیز دھار چاقو سے اُس وقت حملہ کردیا جب وہ مصلے پر نماز ادا کر رہی تھیں، ماں کو گردن سر اور کندھے پر گہری چوٹیں آئیں۔

پڑوسیوں نے شدید زخمی حالت میں ماں کو اسپتال منتقل کیا جہاں انھوں نے دوران علاج دم توڑ دیا۔

رپورٹ کے مطابق بدبخت بیٹے نے فرار ہونے کی کوشش کی تاہم اہل علاقہ نے اسے پکڑ کر پولیس کے حوالے کردیا۔

گرفتاری کے وقت کی ویڈیو وائرل ہوگئی جس میں دیکھا گیا کہ قاتل منہ ہی منہ میں کچھ بڑبڑا رہا ہے اس کی بے ربط گفتگو سمجھ نہیں آرہی ہے اور وہ نشے میں دھت دکھائی دے رہا ہے۔

پڑوسیوں کا کہنا تھا کہ ماں بیٹے اس گھر میں کافی عرصے سے اکیلے رہا کرتے تھے اور کبھی دونوں سے کسی کو شکایت نہیں ہوئی۔

اہل علاقہ کے مطابق بیٹے کے ساتھ کچھ ذہنی مسائل تھے جس کے لیے ماں بیٹے کو ایک مذہبی عالم کے پاس روحانی علاج کے لیے بھی لے کر گئی تھی۔

Comments

یہ بھی پڑھیں