لاہور: پولیس نے پاکستانی پرچم نظرِ آتش کرنے کے الزام میں ایک شخص کو گرفتار کرلیا۔
تفصیلات کے مطابق گرفتار شدہ شخص کا نام قمرالزماں ہے اور اس کا تعلق صوابی سے بتایا جارہاہے، پولیس نے اسے قومی پرچم نظرآتش کرنے کے الزام میں گرفتار کیا ہے۔
پولیس کے مطابق مذکورہ شخص نے مبینہ طور پرمجمع میں پاکستان مخالف نعرے بھی لگائے تھے۔
فیصل ٹاؤن کے ایک سینئر پولیس اہلکار کے مطابق انہیں اطلاعات موصول ہوئیں تھیں کہ ایک شخص نے 13 اگست کو پاکستانی پر چم نظرآتش کیا تھا جن کی بنا پر مذکورہ شخص کو گرفتار کرنے کے لئے ٹیم تشکیل دی گئی۔
انہوں نے مزید کہا کہ قمر الزماں ایک سیکیورٹی کمپنی میں گارڈ کی حیثیت سے ملازم ہے اور اس کے خلاف آئین کے مطابق مقدمہ درج کرلیا گیا ہے۔
