The news is by your side.

Advertisement

اسلام آباد ایئرپورٹ پر اے ایس ایف کی کارروائی، آئس ہیروئن برآمد، مسافر گرفتار

راولپنڈی: اسلام آباد ایئرپورٹ پر اے ایس ایف نے کارروائی کرتے ہوئے سعودی عرب جانے والے مسافر سے آئس ہیروئن برآمد کرلی۔

تفصیلات کے مطابق اسلام آباد ایئرپورٹ پر اے ایس ایف نے سعودی عرب منشیات اسمگلنگ کی کوشش ناکام بناتے ہوئے جدہ جانے والے مسافر کے سامان سے آئس ہیروئن برآمد کرلی۔

مسافر اسماعیل نے آئس ہیروئن بوتلوں میں چھپا رکھی تھی، ملزم کو مزید تفتیش کے لیے اے این ایف کے حوالے کردیا گیا۔

مزید پڑھیں: اسلام آباد ایئرپورٹ پراے ایس ایف کی کارروائی‘ مسافر گرفتار

واضح رہے رواں ماہ کے اوائل میں اسلام آباد ایئرپورٹ پر سیکیورٹی فورس نے سعودی عرب جانے والے مسافر کے قبضے سے آئس ہیروئن برآمد کی تھی۔

اے ایس ایف کے مطابق مسافر اقبال نے آئس ہیروئین بریڈ میں چھپا رکھی تھی،ملزم صوابی کا رہائشی ہے جو پرواز ایکس وائی 316 پر ریاض جا رہا تھا۔

یہ پڑھیں: اسلام آباد ایئرپورٹ پراے این ایف کی کارروائی‘ مسافر گرفتار

یاد رہے کہ گزشتہ ماہ اسلام آباد ایئرپورٹ پر اے این ایف نے کارروائی کرتے ہوئے بحرین جانے والے مسافر سے آئس ہیروئن برآمد کی تھی۔

اے این ایف کے مطابق ہیروئن بیگ کے خفیہ خانوں میں چھپائی گئی تھی، ملزم نجی ایئرلائن کی پرواز سے بحرین جا رہا تھا۔

Comments

comments

یہ بھی پڑھیں