کراچی: جنریٹر کے کرائے میں تاخیر، نوجوان کی مبینہ خودکشی کرلی، پولیس
The news is by your side.

Advertisement

کراچی: جنریٹر کے کرائے میں تاخیر، نوجوان کی مبینہ خودکشی

کراچی: جنریٹر کے کرائے میں تاخیر پر دکاندار کی جانب سے دکان میں بند کرنے والے نوجوان نے خودکشی کرلی۔

تفصیلات کے مطابق شہر قائد کے علاقے نارتھ کراچی میں جنریٹر کے کرائے میں تاخیر پر دکاندار نے نوجوان کو دکان میں بند کردیا بعد ازاں دکان سے اس کی لاش ملی۔

پولیس حکام کا کہنا ہے کہ نارتھ کراچی سیکٹرفائیو ای میں دکان سے لاش ملی ہے، ابتدائی تفتیش کے مطابق جنریٹر شاپ سے ملنے والی لاش احسن نامی نوجوان کی ہے۔

پولیس کے مطابق نوجوان کو دکان مالک نے جنریٹر لے جانے اور کرایہ نہ دینے پر بلایا تھا، اور دکان میں بند کرکے خود چلا گیا۔

جنریٹر شاپ کا مالک واپس آیا تو نوجوان کی پھندا لگی لاش ملی، پولیس نے جنریٹر شاپ میں کام کرنے والے عدنان ملک کو حراست میں لے کر تفتیش کا آغاز کر دیا۔

واقعہ کے بعد دکان کے مالک کی تلاش جاری ہے، پولیس کا کہنا ہے کہ پوسٹ مارٹم کی حتمی رپورٹ کے بعد واقعے کے اصل حقائق کا معلوم ہوسکے گا۔

دوسری جانب نوجوان کے والدین نے مالک پر بیٹے کو تشدد کے بعد قتل کرنے کا الزام لگایا ہے۔

Comments

comments

یہ بھی پڑھیں