نئی دہلی: بھارتی ریاست تامل ناڈو میں شوہر کو تیسری شادی کی خواہش مہنگی پڑ گئی، دونوں بیویوں نے شوہر کو سرعام پیٹ ڈالا۔
غیرملکی خبررساں ادارے کے مطابق بھارتی ریاست تامل ناڈو میں 26 سالہ ایس اروند دنیش نے تیسری شادی کرنا چاہی تو پہلی دونوں بیویوں نے اسے سرعام دھلائی کردی جس کی ویڈیو وائرل ہوگئی، واقعہ تامل ناڈو کے علاقے کوئمبٹور میں پیش آیا۔
اروند دنیش نے پرائیویٹ سیکٹر میں ملازم ہے اس نے پہلی شادی 2016 میں پریا درشنی نامی خاتون سے کی تھی اور اہلیہ کے ساتھ اس کا رویہ ٹھیک نہیں تھا۔
رپورٹ کے مطابق پریا درشنی نے جب اپنے ساتھ ہونے والے برے سلوک کے بارے میں دنیش کے والدین کو بتایا تو انہوں نے بھی چپ سادھ لی اور بیٹے کو کچھ نہ کہا پھر پریا نے شوہر کے خلاف پولیس نے کمپلین درج کرائی۔
دنیش کی پہلی بیوی پریا کے مطابق دنیش نے دوسری شادی کرنے کے لیے شادی کرانے کی ویب سائٹ پر دوسری بیوی کی تلاش شروع کردی تھی۔
رپورٹ کے مطابق دنیش نے اپریل 2019 میں پہلی شادی کو چھپایا اور طلاق یافتہ انوپریا نے دوسری شادی رچالی، انوپریا کا 2 سالہ بیٹا بھی ہے۔
Coimbatore – Man gets brutally beaten for searching a new bride by his 2 wives whom he hasn’t divorced yet!!
After whacking him, the women hand him over to the cops.. pic.twitter.com/H7Tis4cEPQ
— Pramod Madhav (@madhavpramod1) September 11, 2019
شادی کے چند ماہ بعد دنیش کا رویہ انوپریا کے ساتھ بھی ٹھیک نہ رہا، وہ انوپریا کو بھی تشدد کا نشانہ بنانے لگا تو دوسری بیوی بھی اسے چھوڑ کر اپنے میکے کرور چلی گئی۔
دوسری بیوی کے چھوڑ جانے کے بعد دنیش نے ایک بار پھر تیسری بیوی کے لیے شادی شدہ سائٹ پر اپنا جال پھیلانا شروع کردیا۔
دنیش کی پہلی دونوں بیویوں کو جب اس بات کا علم ہوا تو وہ اس کے آفس پہنچی اور مطالبہ کیا کہ دنیش کو باہر بھیجا جائے، کمپنی نے دنیش کو باہر بھیجنے سے انکار کردیا تو وہ دونوں احتجاجاً کمپنی کے دروازے کے باہر بیٹھ گئیں۔
دونوں بیویوں کے احتجاج میں ان کے اہل خانہ بھی شریک ہوگئے، تھوڑی دیر بعد پولیس آئی اور دنیش اور دونوں بیویوں کو تھانے آنے کا کہہ کر چلتی بنی، دنیش جیسے ہی کمپنی سے باہر نکلا تو دونوں بیویوں نے اس کی جم کر پٹائی کی۔
بعدازاں پولیس نے دنیش کے خلاف خاتون کو دھوکا دینے کی دفعات کے تحت مقدمہ درج کرکے تفتیش کا آغاز کردیا۔
