مقدمہ درج نہ کرنے پر شہری نے پولیس اہلکار کو کاٹ لیا

ناگپور: بھارت میں ایک شہری نے پولیس تھانے میں مقدمہ درج نہ کرنے والے اہلکار کو دانتوں سے کاٹ کر بُری طرح زخمی کر دیا۔

غیر ملکی میڈیا کے مطابق واقعہ ریاست مہاراشٹرا کے شہر ناگپور میں پیش آیا جہاں 30 سالہ راکیش مکردھوکڈا تھانے میں شکایت درج کروانے گیا۔

تھانے میں موجود اہلکار نے جب شکایت درج کرنے سے انکار کیا تو راکیش کی اس سے تلخ کلامی ہوئی جو بعد میں جھگڑے میں تبدیل ہوگئی۔

مزید پڑھیں: شہری نے کتے کو کاٹ لیا

اس نے اہلکار کی ویڈیو بنا کر سوشل میڈیا پر پھیلانے کی دھمکی دی جس پر اہلکار نے اس کا موبائل فون چھین لیا۔ راکیش نے غصے میں آکر اسے دانتوں سے کاٹ لیا جس وہ بُری طرح زخمی ہوگیا۔

اس کے بعد وہ اپنی موٹر سائیکل پر سوار ہو کر موقع سے فرار ہوگیا۔ پولیس نے ملزم کی تلاش شروع کر دی ہے۔ اس کے خلاف دفعہ 33 کے تحت مقدمہ درج کیا گیا ہے۔

Comments