نیویارک: امریکا کے بزرگ نے آوارہ کتے کو اس قدر زور سے کاٹا کہ اُن کا دانت ٹوٹ گیا۔
ڈیلی میل کی رپورٹ کے مطابق امریکا کے 55 سالہ مارٹن فلیچر اپنے دو کتوں کے ساتھ فٹ پاتھ پر گھوم رہے تھے کہ اسی دوران آوارہ کتوں نے اُن کے کتوں پر حملہ کردیا۔
آوارہ کتوں نے مارٹن کے پالتو جانوروں پر اس قدر زور سے حملہ کیا کہ وہ بری طرح سے زخمی ہوگئے، بڑے کتے نے دونوں بچوں کو کاٹا اور بری طرح سے بھنبھوڑا۔
فلیچر کے مطابق وہ اپنے کتوں کو لے کر اسپتال پہنچے تو ایک بچے کے 30 ٹانگے لگے۔ انہوں نے بتایا کہ 800 پاؤنڈ میڈیکل کے اخراجات آئے۔
مارٹن کے مطابق انہوں نے پانے کتے کو چھڑوانے کی کوشش کی مگر وہ ناکام رہے، سب کچھ کرنے کے باوجود جب بڑے کتے نے اُن کے بچے کو نہ چھوڑا تو انہوں نے آوارہ کتے کی کمر پر اپنے دانت گاڑھ دیے۔
فلیچر کے مطابق انہوں نے بڑے کتے کے اتنی زور سے کاٹا کہ اُن کا اپنا دانت ٹوٹ گیا۔ ’مجھے اس بات کی خوشی ہے کہ میرے کاٹنے کے بعد وہ میرے بچوں کو چھوڑ کر بھاگ گیا تھا‘۔
مالک کے مطابق وہ اپنے کتوں کی مرہم پٹی کروانے کے بعد خود بھی اسپتال گئے جہاں ڈاکٹرز نے انہیں انجیکشن لگایا اور اینٹی بائیوٹک دیں تاکہ اثرات زائل ہوجائیں۔
