واشنگٹن : امریکی شہری نے کرونا وائرس سے بچنے کےلیے بینک نوٹوں کو مائیکرو ویو اوون میں ڈال کر جلادیا۔
غیر ملکی خبر رساں ادارے کی رپورٹ کے مطابق امریکا میں پیش آیا جہاں کوویڈ 19 وائرس کے خوف میں مبتلا ایک شہری نے نوٹوں کو نذر آتش کردیا۔
احمق شہری کو یہ شبہ گزرا کہ اس کے نوٹوں میں نیا اور مہلک ترین کرونا وائرس داخل ہوچکا ہے جس کے خاتمے کےلیے اس احمقانہ فیصلہ کرتے ہوئے نوٹوں کو مائیکرو ویو اوون میں ڈال کر جلا دیا۔
اس دلچسپ واقعے کی اطلاع ایک بینک افسر نے سوشل میڈیا پر تصاویر شیئر کرتے ہوئے دی، بینک افسر نے بتایا کہ اس کے پاس ایک شخص آیا جو بینک سے جلے ہوئے نوٹ تبدیل کرانا چاہتا تھا۔
بینکر نے کہا کہ میں نوٹوں کے جلنے کی وجہ دریافت کی تو سن کر حیران رہ گیا اور پھر اس شہری کو بتایا کہ یہ نوٹ تبدیل نہیں کیے جاسکتے کیونکہ یہ مکمل طور پر جل کر خاکستر ہوچکے ہیں۔
خیال رہے کہ امریکی انتظامیہ نے تمام بینک انتظامیہ کو اس بات کا پابند کیا ہوا ہے کہ وہ نوٹوں کو بھی سینیٹائز کریں۔
