سوشل میڈیا پر آئے روز نت نئی ویڈیوز وائرل ہوتی رہتی ہیں اور کچھ ویڈیوز ایسی ہوتی ہیں جو لوگوں کے ذہنوں پر گہرے نقوش چھوڑ جاتی ہیں۔
بھارتی ریاست مدھیہ پردیش کے شہر جبل پور میں ایک سائیکل رکشہ چلانے والے باپ اور کمسن بیٹے کی ویڈیو نے لوگوں کے دلوں کو ہلا کر رکھ دیا۔
وائرل ویڈیو میں دیکھا جاسکتا ہے کہ راجیش اپنے چھوٹے بیٹے کو ایک ہاتھ میں اٹھائے شہر کی سڑکوں پر سائیکل رکشہ چلا رہے ہیں۔
میڈیا رپورٹس کے مطابق راجیش 10 سال پہلے بہار سے جبل پور منتقل ہوئے اور اپنے بیٹے کو کندھے پر اٹھائے ہر روز گھر سے نکلتے ہیں ۔
देश में गरीब कल्याण के तमाम दावों को झुठलाती तस्वीर जबलपुर से, राजेश 5 साल की बिटिया को बस स्टॉप पर छोड़ते हैं.दुधमुंहे बच्चे को हाथ में लेकर साइकिल रिक्शा चलाते हैं जिससे रोटी कै जुगाड़ हो सके! संघर्ष एक ही है वर्ग का मान लें..पूंजीवाद से @SachinPWA @messagesachin @VTankha pic.twitter.com/TnD9swBr7n
— Anurag Dwary (@Anurag_Dwary) August 25, 2022
بچہ درمیان میں سوتا ہے لیکن باپ روزی روٹی کمانے اور اپنے خاندان کو کھانا مہیا کرنے کے لیے دن بھر محنت کرتے ہیں۔
راجیش کے دو بیٹے ہیں وہ بڑے بیٹے کو گھر پر چھوڑ دیتے ہیں اور چھوٹے کو اپنے ساتھ لے کر اپنا فرض ادا کرتے ہیں۔
مذکورہ ویڈیو سوشل میڈیا پر تیزی سے وائرل ہورہی ہے اور اسے اب تک ہزاروں صارفین دیکھ چکے ہیں۔
ایک صارف نے لکھا کہ ’انہیں یقینی طور پر مدد کی ضرورت ہے آئیں ان کے لیے ایک کراؤڈ فنڈنگ مہم کا انتظام کریں کم از کم ان کے لیے ایک ای رکشہ تو خرید ہی سکتے ہیں۔‘
دوسرے صارف نے لکھا کہ ’بہت تکلیف دہ ویڈیو ہے۔‘ تیسرے صارف نے لکھا کہ ’ویڈیو دیکھ کر دل ٹوٹ گیا۔‘
