The news is by your side.

Advertisement

عمر بڑھا کر ویکسین لگوانے کی کوشش کرنے والا پکڑا گیا

لاہور: 60 سال سے زائد عمر کے شہریوں کے لیے جاری کرونا ویکسی نیشن کے دوران لاہور میں عمر بڑھا کر ویکسین لگوانے کی کوشش کرنے والا ایک شخص پکڑا گیا۔

تفصیلات کے مطابق لاہور کے ایکسپو سینٹر میں منگل کو بزرگوں کے لیے جاری کرونا ویکسی نیش کے دوران ایک شخص نے اپنی عمر زیادہ بتا کر دھوکے سے ویکسین لگوانے کی کوشش کی لیکن کامیاب نہ ہو سکا۔

پرائمری اینڈ سکینڈری ہیلتھ کیئر کے ترجمان کا کہنا ہے کہ اسٹاف نرس ثنا نے عمر بڑھا کر بتانے والے شخص کو شناخت کیا تھا جس پر انتظامیہ نے اسے کرونا ویکسین لگانے سے انکار کر دیا۔

 دھوکے سے کرونا ویکسین لگوانے کی کوشش کرنے والے شخص کو پکڑنے پر  اسٹاف نرس کو 10 ہزار روپے انعام دیا گیا۔

اس موقع پر ترجمان پرائمری اینڈ سکینڈری ہیلتھ کیئر نے عوام سےگزارش کی کہ وہ اپنی باری کا انتظار کریں، ویکسین وافر مقدار میں موجود ہے اور مرحلہ وار تمام عمر کے افراد کو لگائی جائے گی۔

بڑی کامیابی : پاکستان نے دوست ملک چین سے کورونا ویکسین کی پہلی خریداری کرلی

واضح رہے کہ آج پاکستان نے چین سے کرونا ویکسین کی پہلی خریداری کی ہے، خریدی گئی 5 لاکھ کرونا ویکسین کی پہلی کھیپ آج پاکستان پہنچے گی، پاکستان نے چینی کمپنی سائینو فارم سے ویکسینز کا معاہدہ کیا ہے۔

Comments

یہ بھی پڑھیں