کراچی: شارع فیصل پرفائرنگ کرتے ہوئےشہری کا پولیس کوچیلنج -
The news is by your side.

Advertisement

کراچی: شارع فیصل پرفائرنگ کرتے ہوئےشہری کا پولیس کوچیلنج

کراچی: شہر قائد میں شارع فیصل پر نوجوان کھلےعام اسلحے کی نمائش اور فائرنگ کرتے ہوئے قانون نافذ کرنے والے اداروں کو چیلنج کرتا رہا۔

تفصیلات کے مطابق کراچی میں گزشتہ رات شارع فیصل پرنوجوان نے کھلےعام فائرنگ کی اور ویڈیو سوشل میڈیا پراپ لوڈ کردی۔

ویڈیو میں نوجوان ہوائی فائرنگ کرتے ہوئے قانون نافذ کرنے والے اداروں کو چیلنج کرتا ریا اور اس دوران اس نے اپنا نام عدنان پاشا بتایا۔

ذرائع کے مطابق کھلےعام بد معاشی کرنے والا شخص رینٹ اے کارکا کام کرتا ہے،ملزم اسپورٹس کاروں کا شوقین بھی ہے۔

وزیرداخلہ سندھ سہیل انور سیال نے اےآروائی نیوزپر نوجوان کی ہوائی فائرنگ کرنے کی خبر نشر ہونے پر نوٹس لیتے ہوئے ایس ایس پی ایسٹ کو فوری کارروائی کا حکم دیا ہے۔

سہیل انور سیال نے حکم دیا کہ ملزم کو فوری گرفتار کرکے اس کے خلاف تحقیقات کی رپورٹ بھی ارسال کی جائے۔

دوسری جانب آئی جی سندھ پولیس اے ڈی خواجہ نے بھی واقعے کا نوٹس لیتے ہوئے متعلقہ پولیس افسران کو شہری کے خلاف کارروائی کا حکم دیا ہے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں