The news is by your side.

Advertisement

بلند و بالا درخت پر بیٹھے شخص کی خطرناک حرکت، دیکھنے والوں کی سانسیں رک گئیں، ویڈیو وائرل

آپ نے بہت خطرناک کرتب دیکھے ہوں گے لیکن سوشل میڈیا پر ایک ایسی ویڈیو وائرل ہوئی ہے جس میں ایک شخص بلند و بالا درخت پر بیٹھ کر اسی درخت کو کاٹ رہا ہے، یہ رونگٹے کھڑے کر دینے والا منظر دیکھ کر لوگ دنگ رہ گئے۔

ویڈیو میں دیکھا جا سکتا ہے کہ ایک شخص بہت بلند کھجور کے درخت کی چوٹی پر بیٹھا اسے کاٹ رہا ہے، اور درخت اس کے بوجھ سے فضا میں نیچے کی طرف جھکا ہوا ہے۔

یہ کرتب دکھانے والا شخص آرے سے درخت کی چوٹی پر پتوں والے حصے کو کاٹتا دکھائی دیتا ہے، درخت اس کے بوجھ سے جھکا ہوا ہے اور ہوا میں نہایت خطرناک انداز میں جھول رہا ہے۔

یہ ویڈیو سوشل میڈیا پر آتے ہی وائرل ہو گئی، لوگ حیران رہ گئے کہ ایک شخص جس درخت پر بیٹھا ہوا ہے اسی کو کاٹ رہا ہے، اس کا انجام کیا نکلے گا۔یہ ویڈیو دیکھ کر ایسا لگتا ہے کہ اب درختوں کو کاٹنا بھی مہم جویانہ کھیلوں کی فہرست میں شامل کیا جا سکتا ہے۔

درخت کاٹتے ہوئے جس طرح فضا میں جھول رہا تھا لوگوں کو لگا کہ جیسے ہی اس کا اوپری سرا کٹے گا، وہ بھی اس کے ساتھ ہوا میں جھٹکے کے ساتھ اڑ جائے گا۔

تاہم جیسے ہی درخت کا اوپری حصہ کٹ کر گرا، اس نے تنے کو پوری قوت سے جکڑ کر خود کو جھٹکے سے اڑ کر گرنے سے بچا لیا، اور درخت کا تنا دیر تک جھولتا رہا۔

Comments

یہ بھی پڑھیں