کرناٹک: بھارت میں کرونا وائرس کی تباہ کاریوں کا دائرہ پھیلتا جا رہا ہے، مختلف ریاستوں میں آئے روز دل دہلا دینے والے واقعات سامنے آ رہے ہیں، ریاسٹ کرناٹک میں بھی ایسا ہی ایک دل دوز واقعہ رونما ہوا۔
میڈیا رپورٹس کے مطابق کرناٹک کے ضلع گلبرگہ میں ایک 55 سالہ شخص جو کرونا وائرس کے ٹیسٹ کے لیے سرکاری اسپتال آیا تھا، افضل پور میں اسپتال کے احاطے ہی میں دم توڑ گیا۔
اس افسوس ناک واقعے کی ایک ویڈیو بھی سامنے آئی ہے جسے دیکھ کر دل دہل جاتا ہے، ویڈیو میں مرنے والے شخص کی عزیزہ کو بین کرتے بھی دیکھا جا سکتا ہے۔
بھارت میں کرونا وائرس کی تباہ کاری سے لوگوں میں بھی اب خوف و ہراس پایا جاتا ہے، ملک بھر میں یکم مئی سے 18 برس سے زیاد عمر والوں کو کرونا ویکسن لگانے کی مہم کا اعلان بھی کیا جا چکا ہے لیکن کئی ریاستوں کا کہنا ہے کہ ابھی تک انھیں ویکسین کی کھیپ موصول نہیں ہوئی۔
بھارت : کورونا متاثرہ حاملہ خاتون تڑپتی رہی، بچے سمیت ہلاک
بھارت میں کرونا وائرس کی دوسری لہر میں روزانہ 3 لاکھ سے زائد نئے کیسز رپورٹ ہو رہے ہیں، جب کہ ہزاروں کی تعداد میں اموات ہو رہی ہیں، یکم مئی کو ہریانہ میں ایک دل دوز واقعہ پیش آیا تھا جب کرونا سے متاثرہ ایک حاملہ خاتون نے ایک اسپتال کے دروازے پر بچے کو جنم دیا، لیکن بعد ازاں زچہ و بچہ دونوں ہلاک ہوگئے۔
