The news is by your side.

Advertisement

تین بچوں کو بچانے والا والد خود دریا میں ڈوب گیا

بنگلور: بھارتی ریاست کرناٹک میں ایک والد بچوں کو بچاتے بچاتے خود پانی میں ڈوب کر موت کے منہ میں چلا گیا۔

بھارتی میڈیا رپورٹ کے مطابق ریاست کرناٹک میں یکم جنوری کو جئے رام گوڑا اپنے تین بچوں کو لے کر  تفریحی کی غرض سے دریا نندنی اور دریا شمبھاوی کے درمیان پوائنٹ پر پہنچا۔

جئے رام کے بچے پانی میں نہا رہے تھے کہ اسی دوران وہ گہرائی میں چلے گئے جہاں اُن کا توازن بگڑا۔

اپنے بچوں کی چیخ پکار سُن کر والد تیزی سے تیرتا ہوا اُن کے پاس پہنچا اور تینوں کو دریا میں ڈوبنے سے بچاتے ہوئے حفاظت سے ساحل تک لے کر پہنچا مگر بدقسمتی سے وہ خود ہمت ہار کر غرقاب ہوگیا۔

رپورٹ کے مطابق بچوں کے ڈوبنے کی اطلاع جب متعلقہ اداروں کو ملی تو وہ تیراکوں کے ساتھ ریسکیو کے لیے پہنچے۔ رضا کار نے بتایا کہ جب ہماری ٹیم وہاں پہنچی تو جئے رام بچوں کو پانی کے اوپر تھامے ہوئے تھے۔

’ہم نے فوراً سے رسی پھینکی اور تیراک جلدی سے وہاں گئے، جنہوں نے تینوں بچوں اور ماں کو ریسکیو کیا مگر جئے رام کی موت واقع ہوگئی‘۔

میڈیا رپورٹ نے قریبی ذرائع کو بنیاد بنا کر دعویٰ کیا کہ جئے رام گوڑا نئے سال کا جشن منانے کے لیے بنگلور پہنچے تھے، وہ اپنے بچوں کے ساتھ دریا میں پہنچے تو پانی کی سطح کم تھی مگر ایک دم بھاؤ میں اضافہ ہوا جس کی وجہ سے افسوسناک واقعہ پیش آیا۔

Comments

یہ بھی پڑھیں