The news is by your side.

Advertisement

کراچی، نوجوان کرنٹ لگنے سے جھلس گیا

کراچی: شہر قائد کے علاقے تین ہٹی میں نوجوان کرنٹ لگنے سے جھلس گیا جسے تشویشناک حالت میں اسپتال منتقل کردیا گیا۔

تفصیلات کے مطابق کراچی کے علاقے تین ہٹی اقبال کالونی میں نوجوان کرنٹ لگنے سے جھلس گیا جسے وہاں موجود علاقہ مکینوں نے سیڑھیوں کی مدد سے بجلی کی تاروں سے دور کرکے ریسکیو کیا۔

ریسکیو حکام کے مطابق متاثرہ شہری کو تشویشناک حالت میں نجی اسپتال منتقل کردیا گیا ہے جہاں اس کی حالت نازک بتائی جارہی ہے۔

دوسری جانب کراچی کے علاقے شفیق موڑ کے پاس کے الیکٹرک کے 2 کھمبے گر گئے، کھمبے بارشوں کے دوران گرے جنہیں ابھی تک نہیں ہٹایا گیا ہے، گرے ہوئے دونوں کھمبوں کے ساتھ تار بھی موجود ہیں۔

مزید پڑھیں: کرنٹ لگنے سے ہلاکتیں، کے الیکٹرک کے خلاف مقدمہ درج

علاقہ مکینوں کا کہنا ہے کہ کے الیکٹرک کو شکایت درج کرانے کے باوجود کھمبے نہیں ہٹائے گئے ہیں، کے الیکٹرک کا شکایتی مرکز، آپریشنل دفتر چند قدم کے فاصلے پر ہی موجود ہے۔

واضح رہے کہ گزشتہ ماہ کراچی میں مون سون بارشوں نے تباہی مچادی تھی جس کے نتیجے میں 33 افراد کرنٹ لگنے سے جاں بحق ہوگئے تھے، کے الیکٹرک کے خلاف مقدمات بھی درج کیے گئے تھے۔

یاد رہے کہ کرنٹ لگنے سے ہلاکتوں کے بعد نیپرا نے کے الیکٹرک کے خلاف کارروائی کا عندیہ دیا تھا جبکہ کے الیکٹرک کا کہنا تھا کہ حادثات کی بڑی وجہ اسٹریٹ لائٹ سوئچز کا غیرمحفوظ استعمال بھی ہے۔

Comments

comments

یہ بھی پڑھیں