سلاد میں سے ننھا مینڈک نکلنے پر امریکی اداکار نے عجیب حرکت کر ڈالی، لوگ دیکھ کر حیران رہ گئے۔
سائمن کرٹس نامی امریکی اداکار اور ناولز لکھنے والے مصنف نے ٹوئٹر پر پوسٹ کرتے ہوئے بتایا کہ چار دن قبل اس نے سلاد باکس خریدا تو سلاد کھاتے ہوئے اس میں سے اچانک ایک ننھا مینڈک نکل آیا۔
تاہم آپ کو یہ جان کر حیرت ہوگی کہ سائمن کرٹس نے اس پر غصہ کرنے کی بجائے مینڈک کو پالنا شروع کر دیا ہے، سائمن نے اسے نہ صرف اسنیکس کھانے کو دے دیے بلکہ اس پر پانی کا چھڑکاؤ کر کے اسے نہلا بھی دیا۔
ان دنوں سائمن اس بات پر پریشان ہے کہ اس ننھے مینڈک کی دیکھ بھال کیسے کرے، اس کے لیے اس نے اسی سلاد کے ڈبے ہی کو مینڈک کے گھر میں تبدیل کر دیا ہے۔
وہ سلاد کے ڈبے میں اسے نمکین کھلا کر اور نہلا کر دیکھ بھال کر رہا ہے، ٹویٹر پر سائمن اس چھوٹے مینڈک کی روز کی روداد بھی فالوورز کے ساتھ شیئر کر رہا ہے، جس کا نام اس نے ٹونی رکھ دیا ہے۔
I found the cutest little frog in the bottom of my romaine lettuce tonight- it’s too cold to set him outside (27 degrees), but he’s been living in the lettuce in the fridge for several days now- does anyone know what I should do so that he doesn’t die? pic.twitter.com/usaCIEWaLv
— Simon Curtis (@simoncurtis) December 21, 2021
21 دسمبر کو سائمن نے ٹوئٹ کیا کہ مجھے آج رات اپنے رومین لیٹش کے نچلے حصے میں یہ پیارا بے بی مینڈک ملا ہے، اس وقت یہاں خاصی ٹھنڈ ہے (27 ڈگری)، تاہم یہ بے چارا کئی دنوں سے فریج میں سلاد میں رہ رہا تھا، کیا کوئی جانتا ہے کہ مجھے اس کے لیے کیا کرنا چاہیے تاکہ یہ مر نہ جائے؟
he’s so adorable is this my starter Pokémon? 😰😭🥺💖 pic.twitter.com/knyhnCyqk0
— Simon Curtis (@simoncurtis) December 21, 2021
سائمن نے کہا کہ اگرچہ اس نے چار دن پہلے یہ سلاد خریدا تھا، اور تب سے یہ فریج میں پڑا تھا، تاہم مینڈک پھدک رہا ہے اور بالکل ٹھیک ہے۔
سائمن نے کہا کہ اس نے باکس میں بقیہ سلاد واپس اندر رکھ دیا تھا، اور مینڈک کو باکس کے اندر پانی سے نہلایا، ٹونی نامی یہ مینڈک ایک بار کسی طرح اپنے اس گھر سے فرار بھی ہوا لیکن سائمن نے اسے دروازے کے فریم کے اوپر پایا۔