پیزا کے شوقین شخص کے کھانے کا مزا اُس وقت خراب ہوگیا جب اس نے آن لائن منگوائے گئے پیزا کو کھانا شروع کیا اور اس میں سے ٹوٹے ہوئے شیشے کے ٹکڑے نکل آئے۔
بھارت کے شہر ممبئی سے تعلق رکھنے والے شخص نے اپنے ٹوئٹر ہنڈل سے دو عدد تصاویر شیئر کیں جن میں پیزا کے درمیان سے نکلنے والے شیشے کے ٹکڑوں کو دیکھا جا سکتا ہے۔ ان ٹکڑوں کو غلطی سے نگل لینے پر شہری کی جان جا سکتی تھی۔
شہری نے اپنے ٹوئٹ میں پیزا آؤٹ لیٹ کو تنقید کا نشانہ بنایا، کھانے کے معیار اور جانی نقصان سے متعلق سوالات اٹھائے۔ ساتھ ہی اس نے ممبئی پولیس سے آؤٹ لیٹ کے خلاف کارروائی کا بھی مطالبہ کیا۔
2 to 3 pieces of glass found in @dominos_india This speaks volume about global brand food that we are getting @dominos @jagograhakjago @fssaiindia Not sure of ordering ever from Domino's @MumbaiPolice @timesofindia pic.twitter.com/Ir1r05pDQk
— AK (@kolluri_arun) October 8, 2022
ممبئی پولیس نے ٹوئٹ پر ردعمل میں کہا: ’پہلے آپ آؤٹ لیٹ کے کسٹمر کیئر سینٹر سے رابطہ کریں۔ اگر وہ آپ کو تسلی بخش جواب نہیں دیتے تو پھر قانونی کارروائی کا سوچیں‘۔
پیزا آؤٹ لیٹ نے اپنے بیان میں بتایا کہ ایسا واقعہ کبھی رونما نہیں ہوا، ہم کھانے کے معیار اور اس کی حفاظت کی اچھے سے دیکھ بھال کرتے ہیں، اس معاملے کی انکوائری کریں گے۔
Please write to customer care first. If they don't reply or give unsatisfactory reply, then you can think of legal remedy.
— मुंबई पोलीस – Mumbai Police (@MumbaiPolice) October 8, 2022