تازہ ترین

طوطا گم ہونے پر مالک نے شہر میں پوسٹرز لگوا دیے

پرندے پالنے والے لوگ اچھی طرح واقف ہوں گے کہ اگر ان کا پرندہ کہیں گم ہوجائے تو وہ افسردہ ہوجاتے ہیں اور اگر اسے کوئی لاکر دے دے تو خوشی کی انتہا نہیں رہتی۔

ایسا ہی ایک واقعہ بھارتی ریاست کرناٹک کے علاقے تماکورو میں پیش آیا جہاں ایک بھارتی شہری نے افریقی طوطا گم ہونے پر شہر میں پوسٹرز لگوا دیے اور اسے ڈھونڈ کر لانے والے شخص کے لیے انعام کا بھی اعلان کیا۔

ارجن نامی شخص کا پالتو طوطا ’رستم‘ 16 جولائی کو اپنے گھر سے اڑ کر تقریباً 3 کلومیٹر دور چلا گیا تھا ان کو طوطے کی جدائی برداشت نہ ہوئی اور انہوں نے اسے ڈھونڈنے پر 50 ہزارروپے کا نقد انعام دینے کا اعلان کیا۔

رپورٹ کے مطابق طوطا ارجن کے پاس پچھلے ڈھائی سال سے تھا اور وہ اس کی ہر سال سالگرہ بھی مناتے تھے۔

طوطے کے گم ہونے پر وہ اس قدر غمگین تھے کہ انہوں نے اس کی گمشدگی اور اس کی تلاش پر نقد انعام کے پوسٹرز بھی شہر میں چھپوا دیے تھے۔

تاہم ایک شخص نے اگلے ہی روز طوطے کو پکڑ کر مالک کے حوالے کر دیا جس کا کہنا تھا کہ طوطا بہت بدحال اور کمزور حالت میں تھا۔

ارجن نے طوطے کے دوبارہ ملنے کی خوشی میں اس شخص کو 50 ہزار کے بجائے 85 ہزار روپے بطور انعام دیے اور اس کا شکریہ بھی ادا کیا۔

Comments

- Advertisement -