The news is by your side.

Advertisement

ڈھائی سالہ بچے کو زیادتی کے بعد قتل کرنے والے ملزم کو پھانسی کی سزا سنادی گئی

لاہور : سیشن عدالت نے ڈھائی سالہ بچے سے زیادتی اورقتل میں ملوث ملزم کو پھانسی کی سزاسنادی، مجرم کے خلاف تھانہ ہنجروال میں مقدمہ درج ہے۔

تفصیلات کے مطابق لاہور کی سیشن عدالت نے ڈھائی سالہ بچے سےزیادتی اورقتل میں ملوث ملزم کو پھانسی کی سزاسنا دی، پھانسی کے ساتھ عمر قید اور 9لاکھ جرمانے کی سزا بھی سنائی گئی۔

مجرم کے خلاف تھانہ ہنجروال میں مقدمہ درج ہے ، مجرم نے بچے کو زیادتی کے بعد قتل کر دیا تھا۔

گذشتہ روز کراچی میں ایڈیشنل ڈسٹرکٹ اینڈ سیشن جج شرقی کی عدالت نے تین سالہ بچی سے زیادتی اور تشدد کا نشانہ بنانے والے ملزم کو سزا سنائی تھی۔

عدالت نے ملزم نعیم کو مجموعی طور پر 16 سال قید کی سزا سنائی اور 60 ہزار روپے جرمانہ بھی عائد کردیا جبکہ ملزم کی اہلیہ کو عدم شواہد کی بناء پر بری کردیا۔

مدعی مقدمے کا کہنا تھا کہ اگست 2017 کو میری تین سالہ بیٹی گھر کے باہر اپنے بھائی کے ساتھ کھیل رہی تھی، میرے بیٹے نے بتایا کہ تین سالہ بیٹی کو نعیم انکل اپنے ساتھ کہیں لے گئے ہیں۔

مدعی مقدمے کے مطابق پہلے ملزم نے بچی سے متعلق لاعلمی کا اظہار کیا بعد میں ملزم نے بتایا کہ بچی میری اہلیہ کے ساتھ شادی پر گئی ہے۔

وکیل مدعی مقدمہ آسیہ منیر نے عدالت کو بتایا تھا نعیم نے جب بچی واپسی کی کہ اسے بخار آیا ہوا تھا، ملزم میری تین سالہ بچی کے سینے پر جلتی ہوئی سگریٹ لگتا رہا جبکہ بچی پر ملزم کی جانب سے تشدد بھی کیا گیا تھا۔

Comments

یہ بھی پڑھیں