The news is by your side.

Advertisement

بیچ سمندر میں کشتی پر سوار افراد کا سامنا کس سے ہوا؟

پرندوں اور جانوروں کے ساتھ مڈبھیڑ کرتے ہوئے اکثر اوقات عجیب و غریب واقعات رونما ہوجاتے ہیں، ایسا ہی کچھ واقعہ کشتی پر سوار پرندوں کو مچھلیاں کھلاتے شخص کے ساتھ بھی پیش آیا۔

ٹام بوڈل نامی ایک شخص نے سماجی رابطے کی ویب سائٹ ٹویٹر پر ایک ویڈیو پوسٹ کی جسے اب تک 90 لاکھ سے زائد افراد دیکھ چکے ہیں۔

ویڈیو میں کشتی پر چند افراد موجود ہیں جن میں سے ایک شخص ایک کنٹینر سے مچھلیاں نکال کر پرندوں کو کھلا رہا ہے۔ کشتی کے پیچھے کئی پرندے اڑتے ہوئے آرہے ہیں۔

تمام افراد ان پرندوں کو مچھلیاں کھلاتے ہوئے نہایت خوش ہورہے ہیں کہ اچانک سمندر سے ایک دریائی بچھڑا نمودار ہوتا ہے۔

مذکورہ شخص دریائی بچھڑے کو مچھلی کھلانے لگتا ہے، 2، 3 مچھلیاں کھا کر بھی دریائی بچھڑا سیر نہیں ہوتا اور اس کے بعد کشتی پر چڑھ کر خود ہی کنٹینر سے مچھلیاں نکال کر کھانے لگتا ہے۔

تمام مچھلیاں کھانے کے بعد وہ اطمینان سے پانی میں چھلانگ لگا کر غائب ہوجاتا ہے۔ کشتی پر موجود افراد اس دوران ہنستے سنائی دیتے ہیں۔

دریائی بچھڑے کے جانے کے بعد مچھلی کھلانے والے شخص نے کنٹینر میں دیکھا تو وہ خالی پڑا تھا، پرندوں کے لیے تمام مچھلیاں دریائی بچھڑا کھا کر جا چکا تھا۔

Comments

یہ بھی پڑھیں