بھارتی نژاد امریکی بلاگر نے خود کو تھپڑ مارنے کے لیے خاتون کی خدمات حاصل کرلیں۔
غیرملکی خبررساں ادارے کی رپورٹ کے مطابق بھارتی نژاد امریکی بلاگر نے ایک خاتون کی خدمات حاصل کیں کہ جب بھی وہ فیس بک کھولیں تو وہ انہیں تھپڑ مارے۔
بھارتی نژاد امریکی بلاگر منیش سیٹھی 2012 میں کسی ایسے شخص کی خدمات حاصل کرنے کے لیے گئے جو کام کی رفتار بڑھانے میں ان کی مدد کرے اور انہیں صرف اس کے منہ پر تھپڑ مارنا تھا کیونکہ وہ فیس بک پر بہت زیادہ وقت گزارتے تھے۔
منیش سیٹھی نے کریگ لسٹ پر پوسٹ شیئر کی کہ میں کسی ایسے شخص کی تلاش کررہا ہوں جو میرے ساتھ کام کرسکے اور یہ یقینی بنائے کہ میری اسکرین پر کیا ہورہا ہے جب میں وقت ضائع کروں تو آپ کو مجھ پر چیخنا پڑے گا اور ضرورت پڑے تو مجھے تھپڑ بھی مارنا ہوگا۔
ان کی اس انوکھی نوکری کی پوسٹ پر ایک گھنٹے میں متعدد لوگوں نے جواب دیا۔
The story of Maneesh Sethi, the computer programmer who hired a woman to slap him in the face every time he used Facebook, resulting in massive productivity increase [read more: https://t.co/Q5fKjYtFSo] pic.twitter.com/d8pnt3Jd8k
— Massimo (@Rainmaker1973) November 10, 2021
ویئرایبل ڈیوائس کمپنی کے چیف ایگزیکٹو منیش سیٹھی نے اپنے بلاگ میں وضاحت کی کہ میں نے کریگ لسٹ میں ایک لڑکی کی خدمات حاصل کیں تاکہ جب بھی میں فیس بک استعمال کرتا ہوں تو وہ مجھے منہ پر تھپڑ مارے۔
انہوں نے کارا نامی لڑکی کو فی گھنٹہ کے حساب سے 8 ڈالر بھی ادا کیے اور بتایا کہ اس اقدام سے ان کے کام کی رفتار 35 سے 40 فیصد بڑھ کر 98 فیصد ہوگئی۔
ان کا کہنا تھا کہ کارا میری عارضی باس بن گئی جس نے اس بات کو یقینی بنایا کہ میں نے اپنا کام مکمل کیا ہے یا نہیں۔
