قاہرہ: مصر کے دارالحکومت میں باپ نے اپنی بیٹی کو ٹرین کی زد میں آنے سے بچالیا جس کی ویڈیو وائرل ہوگئی۔
غیرملکی خبرراں ادارے کی رپورٹ کے مطابق مصر میں ایک لڑکی ریلوے ٹریک پر چل رہی تھی کہ اچانک گر گئی اور تیز رفتار ٹرین اس کے انتہائی قریب آگئی لیکن باپ نے اپنی جان کی پرواہ کیے بغیر ریلوے ٹریک سے بیٹی کو بچانے کے لیے سر دھڑ کی بازی لگادی جس کی ویڈیو وائرل ہوگئی۔
ویڈیو میں دیکھا جاسکتا ہے باپ نے ریلوے ٹریک پر چھلانگ لگائی اور بچی کو بچالیا، ٹرین خطرناک حد تک ان کے قریب تھی لیکن باپ نے ہمت نہیں ہاری۔
پیر کی صبح پیش آنے والے اس واقعے کی ویڈیو چند گھنٹوں میں ہی سوشل میڈیا پر وائرل ہوگئی۔
خوش قسمتی سے اس واقعے باپ اور بیٹی دونوں بغیر کسی نقصان کے محفوط رہے، سوشل میڈیا پر متعدد لوگوں نے بہادر شخص کی تعریف کی ہے۔
واضح رہے کہ گزشتہ چند سالوں سے ریلوے ٹریک پر حادثات میں خطرناک حد تک اضافہ ہوا ہے۔
نوجوان لڑکے اور لڑکیاں کانوں میں ہینڈ فری لگا کر ریلوے ٹریک پر سفر کرتے ہیں اور ٹرین کی آمد سے بے خبر رہتے ہیں جس کے نتیجے میں ان کی جان چلی جاتی ہے۔