The news is by your side.

Advertisement

کراچی: ماڑی پورمیں فائرنگ، 1 شخص جاں بحق

کراچی: شہر قائد کے علاقے ماڑی پور میں فائرنگ سے ایک بھائی جاں بحق جبکہ دوسرا شدید زخمی ہوگیا۔

تفصیلات کے مطابق کراچی کے علاقے ماڑی پور گیٹ نمبر 5 کے قریب گودام میں فائرنگ سے ایک بھائی جان کی بازی ہار گیا جبکہ دوسرا شدید زخمی ہوگیا۔

پولیس کے مطابق فائرنگ سے جاں بحق سجاد کی لاش قانونی کارروائی کے بعد سرد خانے منتقل کردی گئی ہے جبکہ فائرنگ کے نتیجے میں مقتول کا بھائی اعجاز شدید زخمی ہے۔

پولیس کا کہنا ہے کہ مقتول اورزخمی دونوں بھائیوں کا تعلق نوشہروفیروزسے ہے، دونوں بھائی ماڑی پورگیٹ نمبر5 کے قریب گودام میں سو رہے تھے، دونوں کوسینے اور پیٹ پر ایک ایک گولی ماری گئی۔

پولیس حکام کے مطابق دونوں بھائی لوڈنگ کا کام کرتے تھے، مقتول اورزخمی کا کوئی وارث تاحال سامنے نہیں آیا۔

یاد رہے کہ گزشتہ ہفتے کراچی کے علاقوں نارتھ ناظم آباد اور تین ہٹی میں فائرنگ کے نتیجے میں ایک شخص جاں بحق اور 3 زخمی ہوگئے تھے۔

کراچی: فائرنگ اور پرتشدد واقعات، تین افراد جاں بحق

واضح رہے کہ گزشتہ ماہ کراچی میں فائرنگ اور پرتشدد واقعات میں تین افراد جاں بحق اور دو زخمی ہوگئے تھے۔

Comments

comments

یہ بھی پڑھیں