The news is by your side.

لٹیروں کے ہاتھوں ایک اور نوجوان جان سے گزر گیا، افسوس ناک ویڈیو

کراچی: شہر قائد میں لٹیروں کے ہاتھوں ایک اور نوجوان قیمتی جان سے محروم ہو گیا، جس کی افسوس ناک ویڈیو اے آر وائی نیوز نے حاصل کر لی ہے۔

تفصیلات کے مطابق پیر کے روز سچل کے علاقے بلاول شاہ نورانی گوٹھ میں ڈاکوؤں کے ہاتھوں نوجوان کے قتل کا واقعہ پیش آیا تھا، اس واردات کی سی سی ٹی وی فوٹیج سامنے آ گئی ہے،

فوٹیج میں دیکھا جا سکتا ہے کہ 2 مسلح ملزمان ایک دکان میں داخل ہو رہے ہیں، ایک ملزم کیش کاؤنٹر پر چلا گیا اور وہاں موجود نوجوان کو اسلحہ دکھا کر رقم لوٹ لی۔

سنگین جرائم میں ملوث ڈاکو عبدالرسول بھٹو مارا گیا، سر کی قیمت ایک کروڑ

واردات کے بعد جب ملزمان دکان سے باہر نکلے تو ان کے ہاتھوں میں اسلحہ بدستور موجود تھا، اس دوران دکان دار کا بھائی رزاق وہاں آ گیا، اس نے جب مسلح لٹیروں کو دیکھا، تو ایک مسلح شخص پر اچانک جھپٹ پڑا، تاہم ڈاکو نے اسے گولی ماری اور فرار ہو گئے۔

واردات کرنے والے ایک ملزم کے چہرے پر لگا ماسک بھی ہاتھا پائی کے دوران گر گیا جس سے ملزم کا چہرہ واضح ہو گیا تھا۔

رپورٹ کے مطابق زخمی ہونے والے نوجوان رزاق کو اسپتال منتقل کیا گیا لیکن جاں بر نہ ہو سکا اور دوران علاج دم توڑ گیا۔

Comments

یہ بھی پڑھیں