The news is by your side.

Advertisement

کوٹ رادھا کشن: سنگ دل شوہر نے کلہاڑی کے وار کر کے بیوی اور تین بچوں کو قتل کر دیا

کوٹ رادھا کشن: سنگ دل شخص نے غیض و غضب میں اپنے ہی گھر کو اجاڑ دیا، بیوی اور تین معصوم بچوں کو موت کے گھاٹ اتار دیا۔

تفصیلات کے مطابق کوٹ رادھا کشن میں قتل کی لرزہ خیز واردات ہوئی ہے، شوہر نے کلہاڑی کے وار کر کے بیوی اور شیر خوار سمیت 3 بچوں کو موت کے گھاٹ اتار دیا۔

پولیس کا کہنا ہے کہ ملزم کا بیوی کے ساتھ جھگڑا ہو گیا تھا جس کے بعد اس نے انتہائی قدم اٹھایا اور اپنے ہی خاندان کا خاتمہ کر دیا۔

مقتولین میں 2 ماہ کا شبیر، 2 سال کی عطیہ، 12 سالہ نوید اور 29 سال کی نازیہ شامل ہیں، جو سنگ دل شخص کا نشانہ بن گئے۔

شیر خوار بچے پر کلہاڑی کے وار کرتے وقت بد بخت شخص کو باپ ہونے کا جذبہ بھی نہ روک سکا، ایک بچے کو شدید زخمی حالت میں لاہور منتقل کر دیا گیا ہے۔

یہ بھی پڑھیں:  لاہور : نویں کلاس کے طالب علم نے اسکول پرنسپل کو قتل کردیا، بہن زخمی

پولیس کا کہنا ہے کہ ملزم کو آلہ قتل سمیت گرفتار کر لیا گیا ہے، بیوی بچوں کو قتل کرنے والے بد بخت شخص کا نام جابر بتایا گیا ہے۔

واضح رہے کہ گزشتہ روز لاہور میں نویں جماعت کے طالب علم نے والدین سے شکایت کرنے پر اسکول پرنسپل کو قتل اور اس کی بہن کو زخمی کر دیا ہے، پولیس نے ملزم کو گرفتار کر کے مقدمہ درج کر لیا۔

Comments

comments

یہ بھی پڑھیں