The news is by your side.

بیوی آشنا کے ساتھ فرار، شوہر نے بچوں کو زہر دیکر خودکشی کرلی

بھارتی ریاست کرناٹک میں شوہر نے بیوی کے آشنا کے ساتھ فرار ہونے پر تین بچوں کو زہر دے کر خودکشی کرلی۔

بھارتی میڈیا رپورٹس کے مطابق افسوسناک واقعہ کرناٹک کے ضلع تماکورو میں پیش آیا، پولیس کا بتانا ہے کہ شوہر کی شناخت سمیع اللہ کے نام سے ہوئی جبکہ تینوں بچوں کی حالت تشویشناک ہے۔

پولیس کے مطابق سمیع اللہ کی اہلیہ ساحرہ بانو شوہر اور والدین کو بتائے بغیر اپنے عاشق کے ساتھ سعودی عرب فرار ہوگئی جہاں وہ کسی نجی ادارے میں ملازمہ کے طور پر کام کرنے لگی۔

پولیس نے بتایا کہ ساحرہ نے سعودی عرب میں اپنے بوائے فرینڈ کے ساتھ مختلف مقامات پر تفریح ​​کے دوران اپنے شوہر کو مبینہ طور ویڈیو کال بھی کی۔

پولیس نے بتایا کہ ساحرہ نے اپنے شوہر کو عاشق کے ساتھ ہونے کی مبینہ ویڈیو کے ذریعے طعنہ بھی دیا جبکہ اس کے شوہر نے اسے واپس آنے کے لیے منت سماجت کی لیکن وہ گھر واپس نہیں آئی۔

جس کے بعد سمیع اللہ نے اپنے تین بچوں کو بتایا تھا کہ ان کی ماں کبھی واپس نہیں آئے گی بعدازاں بیوی کے رویے سے دلبرداشتہ ہوکر سمیع اللہ نے تینوں بچوں کو زہر دیا اور خود بھی اپنی زندگی کا خاتمہ کرلیا۔

پولیس کا بتانا ہے کہ متوفی کی لاش کو ورثا کے حوالے کردیا گیا ہے جبکہ واقعے کی مزید تفتیش جاری ہے۔

Comments

یہ بھی پڑھیں