The news is by your side.

Advertisement

کراچی، شوہر نے بیوی کو ڈنڈوں کے وار کرکے قتل کردیا

کراچی: شہر قائد کے علاقے گلبرگ میں شکی شوہر نے بیوی کو ڈنڈوں کے وار کرکے قتل کردیا، پولیس نے واقعے کی سی سی ٹی وی فوٹیج حاصل کرکے ملزم کی گرفتاری کی کوشش شروع کردی۔

تفصیلات کے مطابق کراچی کے علاقے گلبرگ ایف بی ایریا بلاک 11 میں خاتون کو تشدد کا نشانہ بنانے کا واقعہ پیش آیا تھا، زخمی خاتون خالدہ بی بی گزشتہ روز دوران علاج دم توڑ گئی۔

پولیس کے مطابق خاتون کو اس کے شوہر جاوید حسین نے تشدد کا نشانہ بنایا تھا جو موقع سے فرار ہوگیا، خاتون کے قتل کا مقدمہ شوہر جاوید حسین کے خلاف درج کرلیا گیا ہے۔

پولیس کا کہنا ہے کہ مفرور شوہر کو اپنی بیوی کے کردار پر شک تھا، مقتولہ گھریلو ملازمہ تھی اور شوہر چھت بھرائی کا کام کرتا ہے۔

مقتولہ کو شوہر کی جانب سے تشدد کا نشانہ بنانے کی سی سی ٹی وی ویڈیو سامنے آئی ہے، ویڈیو میں شوہر کو بیوی کے سر پر ڈنڈے کے پے درپے وار کرتے دیکھا جاسکتا ہے۔

ویڈیو میں دیکھا جاسکتا ہے کہ خاتون شدید زخمی ہونے کے بعد زمین پر گر جاتی ہے جبکہ اس کا شوہر جاوید حسین موقع سے فرار ہونے میں کامیاب ہوجاتا ہے۔

پولیس کے مطابق خاتون خالدہ بی بی کو تشدد کا نشانہ بنانے کا واقعہ عید الاضحیٰ کے دوسرے روز پیش آیا تھا۔

Comments

comments

یہ بھی پڑھیں