نئی دہلی: بھارت میں سفاک باپ نے آئس کریم میں زہر ملا کر اپنے بچوں کو کھلا دیا۔
غیرملکی خبررساں ادارے کی رپورٹ کے مطابق یہ دل خراش واقعہ بھارتی شہر ممبئی میں پیش آیا جہاں مبینہ طور پر ظالم شخص نے اپنے بچوں کو زہر ملا آئس کریم کھلایا جس کے نتیجے میں ایک کمسن جاں بحق ہوگیا۔
پولیس کا کہنا ہے کہ گھریلو لڑائی کے بعد بے رحم باپ نے یہ انتہائی شرم ناک قدم اٹھایا، ملزم نے اپنے بچوں کی آئس کریم میں چوہے مار دوائی ملائی تھی جس کے کھانے سے ایک کی موت واقع ہوگئی جبکہ دو کی حالت تشویش ناک ہے، مبینہ قاتل کو گرفتار کرکے قانون کارروائی کا آغاز کردیا گیا ہے۔
ممبئی پولیس نے بتایا کہ 7 اور 2 سالہ بچوں کا مقامی اسپتال میں علاج جاری ہے۔
زہر دینے کے واقعے کی اطلاع پولیس کو ملزم کی بیوی نے دی اسی کی مدعیت میں مقدمہ درج کیا گیا ہے، پولیس نے نوشاد نامی مبینہ قاتل کو گرفتار کرکے سلاخوں کے پیچھے پہنچا دیا۔
View this post on Instagram
