The news is by your side.

Advertisement

بیٹی اور نواسے کو بچانے امریکی شخص یوکرین پہنچ گیا

روس اور یوکرین کے درمیان کئی روز سے جنگ جاری ہے اور وہاں مقامی لوگوں کے علاوہ غیر ملکیوں کی بڑی تعداد موجود ہے جو نکلنے کی راہ ڈھونڈ رہی ہے۔

عالمی خبر رساں ایجنسی کے مطابق ریاست میساچوسٹس کے رہائشی ولیم اپنی بیٹی اور نواسے کو بچانے کے لیے یوکرین کے جنگ زدہ ماحول میں پہنچ گئے۔ ولیم نے پولینڈ پہنچ کر سرحد پار کی اور یوکرین میں داخل ہوگئے۔

ولیم نے ٹرین میں طویل سفر کیا اور یوکرین کے دارالحکومت کیف پہنچے۔ میڈیا سے گفتگو کرتے ہوئے انہوں نے بتایا کہ دارالحکومت کیف میں ان کی بیٹی 2018 میں 16 سال کی عمر میں پڑھائی کے لیے آئی تھی، وہ کیف کے جیوگرافک کالج میں زیرِ تعلیم رہیں اور ان کا آٹھ ماہ کا نواسہ بھی ہے۔

مزید پڑھیں: یوکرین کے کمسن پناہ گزین کی ہمت دنیا بھر میں مشہور ہوگئی

ولیم بیٹی اور نواسے کے ہمراہ مغرب کی طرف گئے اور ان پناہ گزینوں میں شامل ہوئے جو ہمسایہ ممالک کی طرف جا رہے تھے۔ تینوں سلوواکیہ کی سرحد پر موجود تھے تاہم ان کے پاس نواسے کا پاسپورٹ نہیں تھا۔

انہوں نے کہا کہ میں نے وہی کیا جو ایک باپ کو اپنی اولاد کے لیے کرنا چاہیے، مجھے یقین ہے کہ ہمیں سرحد پار کرنے کی اجازت دی جائے گی تاکہ ہم اپنے وطن پہنچ سکیں۔

Comments

یہ بھی پڑھیں