The news is by your side.

Advertisement

مردہ بیوی سے ’ملاقات‘ ہونے پر شوہر کا ردِ عمل (ویڈیو دیکھیں)

سیئول: جنوبی کوریا میں ایک شخص نے اپنی مردہ بیوی کو سامنے کھڑے دیکھا تو پھوٹ پھوٹ کر رو دیا۔

تفصیلات کے مطابق ایک جنوبی کورین نے اپنی مردہ بیوی سے ورچوئل ریئلٹی کے ذریعے ملاقات کی، بیوی کو سامنے دیکھ کر وہ اپنے جذبات پر قابو نہ رکھ سکا اور رونے لگا۔

یہ ورچوئل ملاقات ایک ٹی وی ڈاکومینٹری کا حصہ تھی، جس میں لوگوں کو ورچوئل ریئلٹی (مجازی حقیقت) کے ذریعے اپنے متوفی فیملی ممبرز کو دیکھنے کا موقع فراہم کیا جاتا ہے۔

جنوبی کوریائی شخص کم جونگ سو بھی اپنی آنجہانی بیوی کو دوبارہ ایک نظر دیکھنے کے لیے ایم بی سی ڈاکومینٹری پروگرام میں گیا تھا، تاہم اس جوڑے کو ملانے کے لیے 6 ماہ کا عرصہ لگا۔

کم نے کہا تھا کہ زندگی میں بس اس کی ایک ہی خواہش ہے کہ وہ اپنی بیوی کو ایک بار اور دیکھ لے، خواہ اس کا سایہ ہی کیوں نہ ہو۔

ڈاکومینٹری ویڈیو میں کم جونگ سو کے بچوں نے اپنے والد کی خواہش سے متعلق مختلف رائے کا اظہار کیا، ان کی دوسری بیٹی جونگ یُن کو جب اپنے والد کی خواہش کا پتا چلا تو اس نے حمایت کی، ڈاکومینٹری میں جونگ یُن نے اپنے والدین کے محبت بھرے لمحات کا ذکر بھی کیا۔

وی آر پر اپنی ماں کو ان کی موت کے 4 سال بعد دیکھ کر کم کے بچے بھی رو پڑے۔

دوسری طرف کم کی بڑی بیٹی جونگ بِن نے پہلے تو والد کی حمایت نہیں کی، لیکن پھر یہ سوچا کہ ہو سکتا ہے کہ والد آخری بار اپنی بیوی کو دیکھ کر بالآخر ماضی کو بھول جائیں۔

یہ ویڈیو جب یو ٹیوب چینل پر شیئر کی گئی تو اسے 8 لاکھ سے زائد لوگوں نے دیکھا۔

Comments

یہ بھی پڑھیں