بیوی کے جھگڑے سے بچنے کے لیے شوہر نے پولیس اسٹیشن کو آگ لگا کر خود کو حوالات میں بند کروایا لیا۔
یہ واقعہ بھارتی ریاست گجرات میں پیش آیا جہاں بیوی کے غصے سے محفوظ رکھنے کے لیے شوہر نے خود کو مشکل میں ڈال لیا۔
دوران تفتیش ڈیوچھاڈا نامی شخص نے اپنے جرم کا اعتراف کرتے ہوئے بتایا کہ اس نے یہ اقدام اپنی اہلیہ کے غصے سے بچنے کے لیے کیا ہے۔
ملزم نے بتایا کہ اس کا بیوی سے پیسوں اور اخراجات کے معاملے پر اکثر جھگڑا رہتا تھا اور وہ روز روز کے جھگڑوں سے جان چھڑانا چاہتا تھا۔
ملزم نے بتایا کہ وہ پولیس اسٹیشن کے عقبی علاقے میں رہائش پذیر تھا اور خود کو شریک حیات سے بچانے کے لیے پولیس اسٹیشن کو جلانے کے بعد پولیس کے قریب کھڑا ہو گیا تاکہ اسے گرفتار کر لیا جائے۔
پولیس نے ملزم کے خلاف سرکاری املاک کو نقصان پہنچانے کے الزام میں دفعہ 436 کے تحت مقدمہ درج کر لیا ہے۔