ریاض : سعودی شخص نے ڈاکٹر پرفائرنگ کردی،اس کے مطابق ڈاکٹر کو کوئی حق نہیں تھا کہ وہ اس کی بیوی کی ڈلیوری کے دوران موجود ہو،پولیس نے ملزم کو گرفتار کرلیا.
تفصیلات کے مطابق سعودی دارالحکومت ریاض میں شاہ فہد میڈیکل سٹی میں ایک ماہ قبل عورت نے ایک بچے کو جنم دیا تھا،ڈلیوری کے دوران ڈاکٹر محمد الزابن نے اپنی خدمات فراہم کی تھی.
سعودی باپ ڈلیوری کے کچھ عرصے بعد اسپتال گیااور اس نے ڈاکٹر سے ملنے کی خوائش کا اظہار کیا،جب اس کی ملاقات ڈاکٹر سے ہوئی تو اس نے اسپتال کے گارڈن میں بندوق نکال کر ڈاکٹر پرفائرنگ کردی.
فائرنگ کرنے والا شخص موقع واردات سے فرار ہوگیا جسے بعد میں پولیس نے گرفتار کرلیا.
بسام امام ہسپتال کے ترجمان نے واقعے کی تصدیق کرتے ہوئے کہا کہ ایک ڈاکٹر کو گولی ماری گئی تھی اور ان کی حالت اب بہتر ہے.
شاہ فہد میڈیکل اسپتال کے ترجمان کا کہنا تھا کہ سیکورٹی ادارے کی جانب سے فائرنگ کے واقعے کے شواہد اکٹھے کر لیےگئے.
