واشنگٹن: 68 سالہ امریکی شہری نے 3 فٹ قد بڑھانے کیلئے سرجری کرائی جس میں ایک لاکھ تیس ہزار امریکی ڈالر خرچ کر ڈالے جو پاکستانی روپے کے مطابق کروڑوں روپے بتنے ہیں۔
غیر ملکی میڈیا کے مطابق امریکا سے تعلق رکھنے والے ایک شخص نے اپنے قد میں محض 3 انچ اضافے کیلئے انتہائی تکلیف دہ سرجری کرائی اور اس سرجری کیلئے دو کروڑ روپے سے زائد یعنی ایک لاکھ تیس ہزار ڈالرز کی خطیر رقم خرچ کی۔
سرجری کروانے والے امریکی شہری نے 60 کی دہائی میں سرجری کروانے کی وجہ بتاتے ہوئے کہا کہ یہ ایک ایسی چیر تھی جس کے بارے میں جوان ہونے کے بعد سے ہمیشہ سوچتا رہتا تھا۔
امریکی شہری رائے کون کا کہنا تھا کہ مجھے ایسا لگتا تھا کہ میں چھوٹا ہوں، مجھے زندگی میں جیسے ہی وقت ملا میں نے اپنی سرجری کروانے کا سوچا اور کروالیا۔
رائے کون کا کہنا تھا کہ میری بیوی مجھ سے زیادہ اس معاملے پر پریشان رہتی تھی، سرجری کرانے کا عمل بہت مشکل اور تکلیف دہ تھا۔
رائے کے سرجن ڈاکٹر کیون دیبی نے ان کی سرجری کے حوالے سے کہنا تھا کہ رائے کا قد سرجری سے قبل 5 فٹ 6 انچ تھا، ایک تکلیف دہ سرجری کے بعد قد میں 3 انچ کا اضافہ ہوا ہے۔
اس سرجری میں ڈیرھ گھنٹہ لگتا ہے جس میں مریض کی رانوں کی ہڈیوں کو میں ایڈجسٹ ایبل دھاتی کیل نصب کیے جاتے ہیں، اور یہ عمل 3 ماہ تک جاری رہتا ہے۔
سرجن کا کہنا تھا کہ 3 ماہ کے اس عمل کے بعد رائے کن کی قد میں 3 انچ اضافہ ہوا ہے۔
