لندن : برطانوی دارالحکومت میں چاقو بردار شخص نے ریلوے اسٹیشن پر موجود افراد پر حملہ کردیا، چاقو زنی کی واردات میں ایک شخص زخمی ہوا جبکہ حملہ آور موقع پر ہی گرفتار کر لیا گیا۔
تفصیلات کے مطابق برطانیہ کے دارالحکومت لندن کے مشرق میں واقع میں مصروف ترین ریلوے اسٹیشن پر گذشتہ روز ایک مشتبہ شخص نے تیز دھار خنجنر سے اسٹیشن پر موجود لوگوں پر حملہ کردیا تھا جس کے نتیجے میں ایک شہری زخمی ہوگیا۔
برطانوی خبر رساں ادارے کا کہنا تھا کہ حملے میں زخمی ہونے والا شخص ٹرین کے ذریعے ہیکنی سینٹر اسٹیشن کی جانب گامزن تھا تاہم حملے میں چاقو زنی کی واردات کا شکار ہوگیا۔
ٹرین میں سوار واقعے کی عینی شاہدہ ہیزل اورٹن کا کہنا ہے کہ ’میں نے ایک شخص کو اسٹیشن کے فرش پر گرا ہوا دکھا جس کی سانسیں بہت تیزی سے چل رہی تھیں اور وہ اپنے سینے پر ہاتھ رکھا ہوا‘۔
برطانیہ کی ٹرانسپورٹ پولیس کا کہنا ہے کہ خوش قسمتی سے چاقو زنی کی واردات میں زخمی ہونے والے شخص کی جان خطرے سے باہر تاہم اس کو زخم کافی گہرے آئے ہیں۔
برطانوی نشریاتی ادارے کا کہنا تھا کہ پولیس نے فوری کارروائی کرتے ہوئے کہ جائے واردات وقوعہ سے ایک شخص کو حراست میں لے لیا تھا۔
چاقو زنی کی واردات کی عینی شاہدہ اورٹن کا کہنا تھا کہ اسٹیشن پر موجود عوام کا ہجوم تیزی سے میری جانب دوڑ رہا تھا، میں نے اپنے دائیں جانب دیکھا تو ایک شخص زخمی حالت میں زمین پر پڑا ہوا تھا۔
واقعے کے ایک اور عینی شاہد نے بتایا کہ میں نے ایک مسلح شخص کو دیکھا جس کے ہاتھ میں چاقو تھا اور وہ چیختا ہوا میری طرف بڑھ رہا تھا لیکن میں اس کے الفاظ سمجھ نہیں پایا کہ حملہ آور کیا کہہ رہا ہے۔
مذکورہ شخص نے میڈیا کو بتایا کہ حملہ تیزی سے میری جانب بڑھ رہا تھا کہ تاہم پولیس نے تیزی سے کارروائی کرتے ہوئے حملہ آور کو حراست لے کر پولیس اسٹیشن لے گئے۔
برطانوی میڈیا کا کہنا تھا کہ حادثے کے دو گھنٹے بعد حکام کی جانب سے ٹرین کی آمد و رفت کا سلسلہ دوبارہ بحال کردیا گیا تھا۔
