واشنگٹن : مگر مچھ کو سبق سکھانے کےلیے امریکی شہری نے گلف کلب کا مگر مچھ چرا کر کثیر المنزلہ عمارت سے نیچے پھینک دیا۔
غیر ملکی میڈیا کے مطابق مگر مچھ کی چوری اور اس پر تشدد کا حیرت انگیز واقعہ امریکی ریاست فلوریڈا میں پیش آیا، جہاں ایک 32 سالہ شخص گلف کلب کی باڑ پھلانگ کر گلف کورس میں داخل ہوا اور مگرمچھ کو دم سے پکڑ کر غائب ہوگیا۔
ہوڈج نامی شہری کشتی کا میچ دیکھنے کے بعد مگر مچھ کو سبق سکھانے کا فیصلہ کیا اور اسے دم سے پکڑ کر عمارت کی چھت پر لے گیا اور وہاں سے زمین پر پھینک دیا۔
امریکی شہری نے جانور کو زمین پر پھینکنے کے بعد دو مرتبہ پتھر بھی مارے، جس کے باعث مگرمچھ کو شدید چوٹیں آئیں تاہم ڈاکٹرز کا کہنا ہے کہ وہ جلد صحتیاب ہوجائے گا۔
پولیس نے گلف کلب سے مگرمچھ چوری ہونے کی اطلاع ملتے ہی کارروائی کا آغاز کیا اور 1 گھنٹے سے کم وقت میں ڈوج کو تلاش کرکے مگرمچھ برآمد کیا اور گلف کلب انتظامیہ کے حوالے کردیا۔
پولیس نے ملزم کے خلاف مگرمچھ کو چوری کرنے، زخمی کرنے سمیت کئی مقدمات میں گرفتار کیا گیا ہے۔
