نئی دہلی: بھارت میں 6 ماہ کے بچے کو ڈوبنے سے بچانے کے لیے ایک شخص نے اسے ہوا میں اچھال دیا جس کی ویڈیو وائرل ہوگئی۔
تفصیلات کے مطابق بھارتی ریاست مدھیہ پردیش میں کار رکشے سے ٹکرانے کے بعد بے قابو ہوکر دریا میں جاگری، گاڑی میں پانچ افراد سوار تھے ایک شخص نے 6 ماہ کے بچے کو ڈوبنے سے بچانے کے لیے اسے ہوا میں اچھال دیا۔
ویڈیو میں دیکھا جاسکتا ہے کہ گاڑی میں موجود ایک شخص نے حاضر دماغی کا مظاہرہ کرتے ہوئے بچے کو ہوا میں اچھالا تاکہ لوگ اسے کیچ کرسکیں لیکن بچہ دوبارہ دریا میں جاگرا اور وہاں موجود لوگوں نے دریا میں چھلانگ لگا کر بچے کی زندگی بچالی۔
#WATCH Madhya Pradesh: A car carrying 5 people lost its balance, while trying to avoid hitting an autorickshaw, and fell into a river in Orchha town of Niwari district today. All the five occupants of the car were later rescued and sent to a hospital. (Source: CCTV footage) pic.twitter.com/TF8uTDBmWG
— ANI (@ANI) October 28, 2019
رپورٹ کے مطابق بعدازاں ریسکیو ٹیموں نے گاڑی میں موجود افراد کو دریا سے نکال کر اسپتال منتقل کیا جہاں ان کی حالت خطرے سے باہر بتائی گئی ہے۔
مزید پڑھیں: دوسری منزل کی بالکونی سے گر کر بچہ معجزاتی طور پر محفوظ، ویڈیو وائرل
یاد رہے کہ رواں ماہ بھارتی ریاست مدھیہ پردیش میں تین سالہ بچہ 35 فٹ بلندی پر گھر کی بالکونی میں کھیلتے ہوئے نیچے گر گیا تھا تاہم معجزانہ طور پر عین اسی وقت ایک سائیکل رکشہ وہاں سے گزر رہا تھا اور خوش قسمتی سے بچہ نرم دہ سیٹ پر آگرا اور محفوظ رہا۔
رکشہ کے مالک نے فوری طور پر بچے کو گود میں اٹھایا اس وقت تک گھر کے دیگر افراد بھی باہر آگئے اور بچے کو خوشی سے چومنے لگے، بچے کو معمولی چوٹیں آئی تھیں۔
