تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

اس شخص نے کرکڑاتی سردی میں نوڈلز کھائے یا نہیں؟ حیران کن ویڈیو

آپ اگر کسی سرد ترین علاقے میں سیر و تفریح کی غرض سے گئے ہوں تو آپ کو اس بات کا بخوبی اندازہ ہوگا کہ کھانا کھاتے ہوئے کس قسم کی دشواری کا سامنا کرنا پڑتا ہے۔

لیکن اگر اس علاقہ میں کڑکڑاتی ہوئی سردی اپنے عروج پر ہو تو شاید آپ کچھ کھا ہی نہیں پائیں، برفانی علاقوں میں تازہ پانی بھی سیکنڈوں میں جم جاتا ہے، سوشل میڈیا پر ایک ایسی ہی حیران کن ویڈیو وائرل ہورہی ہے۔

ویڈیو میں دیکھا جاسکتا ہے کہ اس خون جماتی سردی میں وہ کھانا بھی جم گیا ہے، جسے پیالے سے منہ تک لے جانے کیلئے صرف ایک سیکنڈ ہی درکار ہوتا ہے، اس شخص نے بھی ایسی ہی خواہش کو پورا کرنے کی کوشش کی لیکن اس کے لیے نوڈلز کھانا ناممکن ہوگیا۔

انسٹا گرام پر شیئر کی گئی ویڈیو میں ایک شخص نے کسی شدید برفانی علاقے میں نوڈلز سے بھرے پیالے میں انہیں کھانے کے لیے چمچ ڈالا تو سردی کی وجہ سے چمچ ہوا میں ہی نوڈلز سمیت جم گیا جبکہ اس شخص کی داڑھی پر بھی برف جمی ہوئی دیکھی جا سکتی ہے۔

ویڈیو میں موجود اس شخص نے بتایا کہ میں نوڈلز کھانے باہر آیا تو دیکھوں یہاں کچھ زیادہ ہی سردی ہے، سردی اس قدر تھی کہ نوڈلز بھی چمچ کے ساتھ ہی برف بن گئے۔

سوشل میڈیا صارفین کی جانب سے اس ویڈیو کو 10 لاکھ سے زائد بار لائک کیا جاچکا ہے، البتہ یہ معلوم نہیں ہوسکا یہ کس برفانی علاقے کی ویڈیو ہے۔

بہت سے صارفین اس کی پلکوں اور بالوں پر جمی برف کو دیکھ کر حیران رہ گئے یہاں تک کہ ایک صارف نے پوچھا کہ کیا یہ میک اپ تھا یا وہ واقعی منجمد تھا۔

Comments

- Advertisement -