تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ویڈیو: خلیجی ملک میں لڑکی بن کر بھیک مانگنے والا لڑکا گرفتار

خلیجی ملک کویت میں برقعہ پہن کر بھیک مانگنے والے لڑکے کو گرفتار کر لیا گیا۔

مقامی میڈیا کے مطابق کویت میں جنرل ایڈمنسٹریشن آف ریزیڈنس افیئرز انویسٹی گیشن نے ایک ایشیائی لڑکے کو اس وقت رنگے ہاتھوں پکڑ لیا جب وہ لڑکی بن کر سڑکوں پر بھیک مانگ رہا تھا۔

یہ گرفتاری اس مہم کے دوران عمل میں لائی گئی ہے جو کویتی حکام نے ملک میں خاص طور پر رمضان میں گداگری سے نمٹنے کے لیے شروع کر رکھی ہے۔

وزارت داخلہ نے بھیک مانگنے کے مسئلے سے نمٹنے کی اہمیت پر زور دیتے ہوئے کہا کہ اسے معاشرے کے خلاف جرم سمجھا جاتا ہے اور ملک کے امیج کو بھی نقصان پہنچتا ہے۔

وزارت کے ڈائریکٹوریٹ جنرل آف پبلک ریلیشنز اینڈ سیکیورٹی میڈیا نے شہریوں اور رہائشیوں سے مطالبہ کیا کہ وہ فراہم کردہ فون نمبرز یا ایمرجنسی نمبر 112 کے ذریعے متعلقہ حکام سے رابطہ کرکے بھیک مانگنے کے کسی بھی واقعے کی اطلاع دیں۔

سیکیورٹی ذرائع نے تصدیق کی ہے کہ بھیک مانگتے ہوئے پکڑے جانے والے کسی بھی غیر ملکی کو فوری طور پر ملک بدر کر دیا جائے گا، اس کے اسپانسر کو قانونی طور پر ذمہ دار ٹھہرایا جائے گا اور ممکنہ طور پر کسی بھی غیر ملکی کو اسپانسر کرنے سے بلیک لسٹ کر دیا جائے گا۔

Comments

- Advertisement -