The news is by your side.

Advertisement

مانچسٹر: پی آئی اے کی گنجائش سے زیادہ بکنگ، ایئرپورٹ پر ہنگامہ آرائی

مانچسٹر: پاکستان انٹرنیشنل ایئرلائن (پی آئی اے) کے عملے نے مانچسٹر سے اسلام آباد آنے والی پرواز میں گنجائش سے زیادہ بکنگ کردی۔

اے آر وائی نیوز کی رپورٹ کے مطابق مانچسٹر سے اسلام آباد آنے والی پرواز پی کے 702 کے عملے نے اوور بکنگ کردی جس کے بعد ایئرپورٹ پر مسافروں اور عملے کے درمیان ہنگامہ آرائی ہوئی۔

ذرائع کے مطابق عملے نے پی کے 702 پر 140 مسافروں کی ٹکٹس زائد بک کی ہیں، ایئرپورٹ پر ہنگامہ آرائی کے سبب پرواز ڈیڑھ گھنٹہ تاخیر کا شکار ہوئی۔

ذرائع کا کہنا ہے کہ مسافروں اور عملے کے درمیان ہاتھا پائی ہوئی جس کے بعد ایئرپورٹ انتظامیہ نے سیکیورٹی کے پیش نظر پولیس کو طلب کرلیا۔

مزید پڑھیں: یورپین ممالک نے پی آئی اے کو پروازوں کے حوالے سے مشروط اجازت دے دی

واضح رہے کہ یورپی یونین اور برطانیہ نے بیرون ملک پھنسے پاکستانیوں کو لانے کے لیے پی آئی اے کی پروازیں تین جولائی تک چلانے کی اجازت دی  ہے۔

یورپی یونین اور برطانیہ نے پی آئی اے پائلٹس کی جعلی ڈگری کے معاملے پر پی آئی اے کی پروازیں بند کردی تھیں بعدازاں پی آئی اے انتظامیہ، وزارت خارجہ اور پاکستانی سفرا نے یورپین حکام سے مسلسل رابطہ بھی کیا جس کے بعد اسلام آبادتا لندن اور واپسی کی پروازوں پی کے785 اور پی کے 786 کو آپریٹ کی اجازت بھی مل گئی تھی۔

پاکستان انٹرنیشنل ایئرلائن کے ترجمان عبد اللہ خان کا کہنا تھا کہ ’برطانیہ اور یورپین ممالک سے دیگر پروازوں کا بھی جلد اعلان کیا جائے گا‘۔

fb-share-icon0
Tweet 20

Comments

comments

یہ بھی پڑھیں