ممبئی: اداکاری اور کھیلوں میں اپنے تعاون کیلیے مشہور مندرا بیدی ساؤتھ انڈین فلم ’آئیڈینٹیٹی‘ کے ساتھ اسکرین پر واپسی آ رہی ہیں۔
انڈین میڈیا کی رپورٹس کے مطابق فلم آئیڈینٹیٹی میں ٹووینو تھامس، تریشا، اور ونے رائے سمیت دیگر کاسٹ شامل ہے اور یہ ملیالم سنیما میں مندرا بیدی کی پہلی فلم ہوگی۔
مشہور ’دل والے دلہنیا لے جائیں گے‘ فلم کے ساتھ اپنے فلمی سفر کا آغاز کرنے کے بعد مندرا بیدی نے ایک ورسٹائل کیریئر بنایا جس میں انہوں نے تمام متنوع کردار ادا کیے۔ اس سے قبل وہ ایکشن فلم ’ساہو‘ میں اپنے کردار کے ساتھ ساؤتھ انڈین سنیما میں قدم رکھ چکی ہیں۔
تمام زبانوں میں کام کرنے کے بارے میں بات کرتے ہوئے مندرا بیدی نے کہا کہ آئیڈینٹیٹی ایک ایسا پروجیکٹ ہے جس کیلیے میں نے پہلی بار اسکرپٹ سنا، یہ وہ ہے جو میں نے پہلے کبھی نہیں کیا اور میرے لیے یہ میڈیم نہیں بلکہ اس کردار کے بارے میں پہلی بار سن کر مجھے اس چیز نے گرفت میں لیا۔
اداکارہ مزید کہتی ہیں کہ میں پُرجوش ہوں کیونکہ آج ساؤتھ کی فلموں کے ناظرین کی تعداد بہت زیادہ ہے، انہیں عالمی سطح پر دیکھا جاتا ہے اور اسی لیے بطور اداکارہ ہمیں زیادہ ناظرین مل رہے ہیں۔
مندرا بیدی بھارت میں کھیل کا چہرہ سمجھی جاتی ہیں۔ وہ ملک میں خواتین کی کرکٹ کے فروغ کیلیے بھی سرگرم عمل رہی ہیں۔ کھیلوں اور اداکاری میں اپنے کرداروں کو متوازن کرتے ہوئے وہ دونوں شعبوں کو جاری رکھے ہوئے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں