The news is by your side.

Advertisement

آم کا برآمدی سیزن، ایک ماہ میں ایکسپورٹ میں 16فیصد اضافہ

اسلام آباد: آم کے برآمدی سیزن کے پہلے مہینے کے دوران ایکسپورٹ میں 16فیصد اضافہ ہوا، ایک ماہ کے دوران 28ہزار ٹن آم 47ملکوں کو برآمد کیا گیا جبکہ یورپ کو ایکسپورٹ میں 47فیصد اضافہ ہوا۔

پاکستان فروٹ ایکسپورٹرز ایسوسی ایشن کے مطابق سیزن کے پہلے مہینے میں 28ہزار ٹن سے زائد آم برآمد کیا گیا ہے، آم کی برآمدات میں 16فیصد تک اضافہ ہوا ہے، ایسوسی ایشن کے چیئرمین وحید احمد کے مطابق رواں سیزن کے دوران پاکستان سے 47ملکوں کو آم برآمد کیا گیا ہے، رواں سیزن کے دوران یورپی یونین ملکوں اور برطانیہ کو 47فیصد اضافہ سے 2700ٹن سے زائد آم برآمد کیا جاچکا ہے۔

انہوں نے کہا کہ ایسوسی ایشن معیار کی بہتری کی بدولت آئندہ سال تک آم کی برآمدات 25ملین ڈالر اضافے سے 100ملین ڈالر تک بڑھنے کی توقع ہے۔

انہوں نے بتایا کہ دبئی کو 14600ٹن سے زائد آم برآمد کیا جاچکا ہے۔

وحید احمد نے کہا کہ تیز بارشوں اور آندھی کی وجہ سے پنجاب میں آم کی 20فیصد فصل متاثر ہوئی ہے، غیرملکی ایئرلائنز پاکستان سے یورپ اور برطانیہ کے لیے لوڈ کی جانے والی برآمدی کھیپ دبئی لے جاکر آف لوڈ کررہی ہے، جس سے پاکستانی ایکسپورٹرز کو مشکلات کا سامنا ہے۔

اسٹیٹ بینک کی ہدایت کے بعد بعض بینکوں نے ایران کے لیے ایکسپورٹ فارم جاری کرنا شروع کردیے ہیں، جس سے رواں سیزن ایران کو بھی آم کی برآمدات ممکن ہوں گی۔

Print Friendly, PDF & Email

Comments

comments

یہ بھی پڑھیں