مزیدار مینگو رس ملائی بنائیں -
The news is by your side.

Advertisement

مزیدار مینگو رس ملائی بنائیں

موسم گرما کی سوغات آم بے شمار طریقوں سے کھایا جاتا ہے جبکہ اس سے کئی اقسام کے میٹھے بھی بنائے جاتے ہیں۔ آج ہم آپ ک مینگو رس ملائی بنانے کی ترکیب بتا رہے ہیں۔


اجزا

خشک دودھ: 1 کپ

مینگو پیوری: 1 کپ

میدہ: ڈیڑھ چائے کا چمچ

دودھ: 1 لیٹر

بیکنگ پاؤڈر: 1 چائے کا چمچ

تیل یا گھی: 1 کھانے کا چمچ

کنڈینسڈ ملک: 1 تہائی ٹن

انڈا: 1 عدد

ہری الائچی: 4 عدد

بادام اور پستہ: حسب ضرورت


ترکیب

ایک ساس پین میں دودھ کو ابال لیں اور الائچی اور کنڈینسڈ ملک ڈال کر مزید پکائیں۔

خشک دودھ، میدے اور بیکنگ پاؤڈر کو چھان کر اس میں تیل شامل کردیں۔

انڈے کو پھینٹ لیں اور پاؤڈر ملک میں ڈال کر ڈو گوندھ لیں۔

اب چھوٹے سائز کی بالز بنا لیں۔

اب ان بالز کو ابلتے ہوئے دودھ میں ڈال کر کبھی آنچ کو تیز اور کبھی کم کردیں۔

آنچ تیز اور کم کرنے والے طریقہ کار کو کچھ دیر تک دہرائیں۔

پھر چولہے سے ہٹا کر اس میں مینگو پیوری احتیاط سے شامل کریں تاکہ رس ملائی ٹوٹ نہ جائے۔

تیار ہونے کے بعد فریج میں ٹھنڈا کرلیں، بادام اور پستہ سے گارنش کر کے سرو کریں۔


 

Comments

comments

یہ بھی پڑھیں