The news is by your side.

Advertisement

مانسہرہ : کیپٹن صفدر کے گارڈز اور لیگی کارکنان کی اے آر وائی کے اینکر سے بد تمیزی

ایبٹ آباد: مانسہرہ میں اے آر وائی نیوز کے اینکر اور کیمرہ مین پر نواز لیگ کے کارکنان نے بد سلوکی کی ہے، ہاتھا پائی کرتے ہوئے ٹیم کو انتخابی تیاریوں کی کوریج سے روکا گیا۔

تفصیلات کے مطابق ایبٹ آباد کے علاقے مانسہرہ میں اے آر وائی نیوز کے پروگرام “اعتراض ہے” کی ٹیم نواز شریف کے داماد اور مریم نواز کے شوہر کیپٹن صفدر کے جلسے کی کوریج کیلئے پہنچی تو وہاں کیپٹن صفدر کے نجی گارڈز نے اینکر عادل عباسی اور پروگرام ٹیم سے ناروا سلوک کیا۔

اس موقع پر وہاں موجود ن لیگی کارکنان بھی پہنچ گئے اور اینکر عادل عباسی کو ٹیم سمیت مغلظات بکتے ہوئے وہاں سے جانے کیلئے کہا۔

بعد ازاں اینکر نے کیپٹن صفدر سے براہ راست بات کرنے کی کوشش کی تو انہوں نے جواب دیا کہ مجھے ابا نے اے آر وائی نیوز سے بات سے منع کیا ہے اور یہ ہماری پارٹی کی پالیسی بھی نہیں ہے، لہٰذا آپ سے بات نہیں کرسکتا۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں