The news is by your side.

Advertisement

یو ٹیوب نے 40 برس بعد شہری کو خاندان سے ملادیا

نئی دہلی: یو ٹیوب پر وائرل ہونے والی ویڈیو نے ایک شخص کو 40 برس بعد اپنے بچھڑے ہوئے خاندان سے ملادیا۔

تفصیلات کے مطابق خاندان سے بچھڑنے والا شخص ایک بھارتی فلم کا گانا گنگنا رہا تھا کہ اس شخص کی ویڈیو ایک فوٹو گرافر نے یو ٹیوب پر پوسٹ کی جو اس کو خاندان سے ملانے کا سبب بن گئی۔

بھارتی میڈٰیا کے مطابق کھمدرام گھمبیر سنگھ کی عمر 26 برس تھی وہ 1978 میں ملک کی شمالی مشرقی ریاست منی پور کے شہر امیھال میں اپنا گھر چھوڑ کر چلا گیا تھا اور 40 سال تک اس کے خاندان کو اس کا پتہ نہ چل سکا تھا، پھر ممبئی کی ایک سڑک پر ریکارڈ کی گئی ایک ویڈیو آن لائن نظر آئی، جس میں سفید بالوں والا ایک شخص بالی وڈ کا ایک مشہور گانا گاتا ہوا دیکھا جاسکتا ہے۔

ممبئی امیھال سے تین ہزار کلو میٹر دور ہے، ویڈیو کو ایک شخص نے دیکھا تو اس نے امیھال کی ایک تنظیم کو اس بارے میں آگاہ کیا اور اس مقامی تنظیم نے گھمبیر کے خاندان کو اس بارے میں بتایا تو اس بھارتی شہری کو اپنے لاپتہ رشتے دار کے طور پر پہچان لیا۔

بعدازاں امیھال پولیس سے اس بارے میں رابطہ کیا گیا پھر ممبئی پولیس سے اس شخص کو تلاش کرنے کی درخواست کی گئی، ممبئی پولیس کو یہ شخص باندرا کے علاقے میں ناگفتہ بہ حالات میں رہتا ہوا مل گیا۔

فیروز شاکر ایک فوٹو گرافر ہیں جنہوں نے یہ ویڈیو گزشتہ برس اکتوبر میں ریکارڈ کرکے یو ٹیوب پر اپ لوڈ کی تھی، کھمدرام گھمبیر بالی وڈ گانے گا کر اور بھیک مانگ کر اپنا گزر بسر کرتا تھا، شاکر کا کہنا ہے کہ 66 سالہ گھمبیر نے اسے بتایا کہ وہ پہلے ایک تعمیراتی مزدور کے طور پر کام کرتا رہا تھا مگر چند حادثات کے بعد اس نے شراب نوشی شروع کردی تھی اور پھر اس حال تک پہنچ گیا تھا۔

بھارتی اخبار کے مطابق گھمبیر ایک سابق فوجی افسر ہے، جسے اس کی شادی کے کچھ ہی عرصے بعد اس کی بیوی سے الگ کردیا گیا تھا، اس کے کچھ عرصے بعد وہ لاپتہ ہوگیا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں