The news is by your side.

Advertisement

مانسہرہ ہیلی کاپٹر حادثہ، شہید ہونے والے 10شہداء کی نمازِ جنازہ چکلالہ میں ادا

چکلالہ : مانسہرہ کے قریب ہیلی کاپٹر حادثہ میں شہید ہونے والے دس شہداء کی نمازِ جنازہ ادا کردی گئی۔

تفصیلات کے مطابق مانسہرہ کے قریب ہیلی کاپٹر حادثہ میں شہید ہونے والے دس شہداء کی نماز جنازہ چکلالہ گریژن میں ادا کر دی گئی ، اس سے قبل دو شہیدوں میجر ڈاکٹر شہزاد اور حوالدار آصف کی نماز جنازہ چکلالہ میں ادا کی گئی تھی جبکہ دس شہداء کی نماز جنازہ آج ادا کی گئی۔

چیئرمین جوائنٹ چیفس آف سٹاف کمیٹی جنرل راشد محمود اور پاک فوج کے سربراہ جنرل راحیل شریف سمیت دیگر اعلیٰ حکام اور شہداء کے لواحقین نے نماز جنازہ میں شرکت کی۔

، چکلالہ گریژن میں آج میجر مزمل ، میجر ھمایوں ، میجر ڈاکٹر عثمان ، میجر عاطف ، حوالدار منیر نائیک رحمت اللہ ، نائیک عامر سعید ، سپاہی امان اللہ ، سپاہی وقار اور لانس نائیک مقبول کی نماز جنازہ ادا کی گئی، شہداء کی میتیں نماز جنازہ کی ادائیگی کے بعد تدفین کیلئے ان کے آبائی علاقوں کو روانہ کردی گئی ہیں۔

Comments

comments

یہ بھی پڑھیں