تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

اردو کے معروف شاعر منور رانا کی طبیعت ناساز، وینٹی لیٹر پر منتقل

نئی دہلی: اردو زبان کے معروف و ممتاز شاعر منور رانا طبیعت ناسازی کے باعث اسپتال میں داخل ہیں۔

بھارتی میڈیا رپورٹ کے مطابق منور رانا گذشتہ ایک ہفتے سے شدید علیل ہیں اور لکھنؤ کے اپولو اسپتال میں زیر علاج ہیں، طبیعت ناسازی کے باعث ڈاکٹرز نے انہیں وینٹی لیٹر پر منتقل کررکھا ہے۔

سی ٹی اسکین سے معلوم ہوا کہ ان کا پتہ پیٹ میں پھٹ گیا جس کے باعث پورے جسم میں انفیکشن پھیل گیا، ڈاکٹرز نے جان بچانے کے لئے فوری آپریشن کیا تاہم آپریشن کے باعث طبیعت مزید بگڑی اور انہیں آئی سی یو میں منتقل کیا گیا۔

منور رانا کے بیٹے تبریز رانا نے میڈیا کو بتایا کہ مسلسل نگہداشت کے باعث والد صاحب کی طبیعت میں بہتری آئی ہے، رپورٹ بہتر ہیں ڈاکٹرز نے اس امید کا اظہار کیا ہے کہ رپورٹ یہ ظاہر کرتی ہیں کہ انہیں جلد وینٹی لیٹر سے ہٹالیا جائےگا۔

واضح رہے کہ منور رانا اردو ادب کی دنیا میں ایک معتبر اور مقبول نام ہے، انہوں نے اردو ہی نہیں بلکہ ہندی شاعری میں بھی اپنا نام روشن کیا ہے۔

منور رانا کے کلام میں ‘ماں‘ پر لکھا کلام کافی شہرہ یافتہ ہے۔ ان کی غزلیں، ہندی، بنگلہ (بنگالی) اور گرومکھی زبانوں میں بھی ہیں۔

Comments

- Advertisement -